Williamnagar, Nov 29: East Garo Hills a·jani Williamnagar Civil Hospital-o Critical Care Block-ko rikna gita Sukrobar salo, Meghalaya a·dokni Health Minister Ampareen Lyngdoh-ni jakchi pangchakaniko songe on·angaha aro ia pangchakaniko songe on·anganio, Cabinet Minister aro Williamnagar-ni MLA Marcuise N Marak, Health department-ni Commissioner & Secretary Joram Beda, East Garo Hills a·jani Deputy Commissioner Vibhor Aggarwal, Health department-ni Joint Secretary TG Momin aro gipinrangba dongpae bak ra·angtokaha.

Ia Critical Care Block-ko matchotahaode East Garo Hills a·jao songdongenggipa manderangba gipin biaprangona re·angna nanggija, saa bilonggipa manderangkoba ia hospital-on sanna gita cholko man·gnok.

Ia Critical Care Block-na pangchakaniko songe on·anganio a·dokni Health Minister, jinmana aganprakangengon, niksamsoani gnang a·dokko dilengani gimin Chief Minister Conrad K Sangma-ko mittelpilangenba, uni simsak nirokanichisa da·alo Meghalaya a·dokoba sanna banani kamrang tang·dona man·engaha ine parakangaha.

Williamnagar-ni MLA Marcuise N Marak, an·tangni manderangna on·kange kamrangko ka·ahani a·selsa da·alo Williamnagar-ona ia Critical Care Block-ko ra·bana man·aha ineba Lyngdoh aganaha.

A·doko songdongenggipa manderang nambata sanna bananirangko man·china aro an·seng baljokani baksa janggi tangangkuchina gita a·dok sorkari, sanna banani kamrangko nambatatna gita rakbee kamrangko ka·engkua ineba Health Minister aganaha.

Iana skang, East Garo Hills a·jani Deputy Commissioner Vibhor Aggarwal, jinmana rimchaksoani kattarangko aganangengon, a·jani manderangna an·seng baljokaniko on·na aro nambata janggi tanganiko on·na gita kamrangko ka·engani gimin a·dokni Health Minister Ampareen Lyngdoh aro Williamnagar-ni MLA Marcuise N Marak-ko mittelpilangaha.

Ia tom·anio, Williamnagar-ni MLA aro a·dokni PHE Minister Marcuise N Marak-ba jinmana aganprakangengon, Critical Care Block-ni miksonganirangko jolni manderangna agan-talate on·angenba, ian Williamnagar aro East Garo Hills a·ja gimikni manderangnan, an·seng baljokaniko on·anio dal·bea dakchakani ong·gnok ine parakataha.

Williamnagar Civil Hospital-na Critical Care Block-ko man·bae on·na man·ahani gimin ua dingtangmancha Meghalaya a·dokni Chief Minister Conrad K Sangma aro Health Minister Ampareen Lyngdoh-koba mittelpilangaha. Manderangna ka·saachi aro an·tangtangko on·kangani baksa dangdike on·na nangani gimin janapangengon, hospital-o kam ka·enggipa doctor, nurse aro pilakkon, manderangna nambate dangdike on·angkuchina Marak, agan-ku·pattianirangko on·angaha.

Na·simang ia video-koba nina man·gen: 

Na·simang iakoba poraina man·gen: CoTU konta 12-na bandh ong•atenga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub