Williamnagar, May 2: East Garo Hills a•jani Williamnagar constituency-o dingtang dingtang kamrangko chu•sokatja ine a•dokni PHE Minister aro Williamnagar-ni MLA Marcuise N Marak-ni matnanganiko Congress-ni working president aro a•dokni gitcham minister Deborah C Marak jegalatskaaha.
Re•anggipa April jao Lok Sabha election-ko ong•atangaonin Marcuise aro Deborah-ni gisepo matnanggrikanirangko nikna man•engahachim aro Congress dolni dilgipa Deborah Marak, Chief Miniter Conrad K Sangma-chi dilenggipa NPP sorkariko matnangatchengahachim.
Bilsi 47-na Lok Sabha-ni gitcham Speaker Purno A Sangma sagini nokdangonin Tura-ni MP ong•ahaoba Garo Hills-na aro Meghalaya a•dok gimikna maming namgnirangko ra•bana man•jaha ineba Deborah matnange aganahachim.
Uni iandake PA Sangma aro uni nokdangko matnanganirangna a•dokni PHE Minister aro Williamnagar-ni MLA Marcuise N Marak-ba Deborah-ni agangipa kattarangko jegale, ua an•tangan Williamnagar-o dingtang dingtang ramarangko tariengoba ia kamrangko matchotchipgija donenga ine matnangatskaahachim.
Uni iandake matnanganirangko jegalatskaengon, kamrangni bidingo kakketko sandichenggija skatang uni kosako matnanganiara uni saksa dilgipa ong•e bregijaniko mesokanisa ong•aha ine Deborah parakatskaaha.
“World Bank-ni ning•o Williamnagar-o ka•enggipa project-rangko ATW India Private Limited Company-sa ka•enga aro ia kamrangkode Deborah Marak ka•enga ong•ja. Marcuise Marak-ni janapatgipa kamrang pilakkon ia company-sa jako ra•e ka•enga. Ia company, chingni nokko para ra•chengaha aro an•tangtangni kamrango chingni ostrorangkoba para ra•e jakkalchengengasa. Indide ia kamrangko anga ka•enga ine ua (Marcuise) banoniko kobor man•skaaha?” ine Congress dolni working president sing•doataha.
Skatang matnangna skang, kamrangni gimin name sing•sandichengchina aro kakketko ma•sie ra•chengchina gitaba ua Williamnagar MLA-ko didiataha.
Na·simang ia video-koba nina man·gen:
Na·simang iakoba poraina man·gen: Antio salgnina bate car wash servicing centre-rangko kulijachina u•iata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
