Williamnagar, Jun 12: East Garo Hills a•jao lekka porani gadangko namdapatna gita miksonganio State Education Commission (SEC), a•jao donggipa dingtang dingtang skul aro college-ni principal-rang baksa tom•aniko Williamnagar-ni Loyola College-o ong•atangaha aro ia tom•anio SEC-ni Chairperson Prof SM Sungoh, SEC-ni Member Secretary aro Education department-ni Secretary Ambrose Ch Marak, SEC-ni Advisor Dr David Syiemlieh, sakgipin Advisor Tony Travert Ch Marak, East Garo Hills a•jani Deputy Commissioner Vibhor Aggarwal, Sub-Divisional School Education Officer (SDSEO) Samuel Sangma aro dingtang dingtang skul aro college-rangni principal-rangba bak ra•angtokaha.
Ia tom•anio SEC-ni Chairperson Prof SM Sungoh, Education Commission-ni miksonganirangko talate on•angengon, a•doko National Education Policy (NEP) 2020-ko a•bachengatani ja•man a•dok gimikon lekka porani kamrangko nambatatna kamrangko ka•engaha ine parakangaha.
Kamrangko ka•anio chagrongna nangenggipa neng•nikanirangko nirokna gita SEC-na bilko on•manaha ine janapatengon, lekka porani kamrango chagrongna nangenggipa neng•nikanirangko namatna a•dok sorkari, dingtang dingtang program-rangko a•bachengataha ine Prof Sungoh aganaha.
Ia tom•anio East Garo Hills a•jani Deputy Commissioner Vibhor Aggarwal-ba jinmana aganprakengon, East Garo Hills a•jao dingtang dingtang skul aro college-rangko dilenggipa manderangni agan-ku•pattianirangko on•anichi a•doko lekka porako namdapatna kam ka•anio bang•en dakchakani ong•gen ine parakataha.
Tom•a matchotani ja•man UPSC-ni gitcham Chairman aro State Education Commission-ni Adviser Prof David Reid Syiemlieh, Hub News baksa agangrikengon, East Garo Hills a•jani dingtang dingtang skul, college aro university-rangko chalaianio mai dakgipa neng•nikanirangko chagrongna nangenga, uarangko ma•sie ra•na gita uamang East Garo Hills-ona re•baaha ine parakataha.
Educere Higher Secondary School-ni Principal aro National Award-ko man•gipa Gamchi Timre R Marak-ba ia tom•anio dongpae bakko ra•na man•ahani gimin an•tangni kusi ong•aniko parakatengon, a•doko lekka porani gadangko namdapatna gita iandakgipa tom•anirangko ong•atna nangchongmota ine aganaha.
State Education Commission baksa tom•aniko ong•atanichi Garo Hills-o nambata biterangko ra•bana man•gen ine East Garo Hills a•jani SDSEO Samuel Sangma aganskaaha.
Na·simang ia video-koba nina man·gen:
Na·simang iakoba poraina man·gen: National Cancer Survivors Day-ko M’laya-o mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
