Williamnagar, Aug 25: Sukrobar salo, East Garo Hills District School Education Office-ni gita District Level Students’ Science Seminar-ko Williamnagar-o donggipa DRDA Hall No. 2-o ong·atangaha aro ia Science Seminar-ko ong·atanio East Garo Hills a·jani Additional Deputy Commissioner aro DTO in-charge Seldin N Sangma, mongsonggipa sokgipa ong·e bak ra·angaha.

Ia Science seminar-ko ong·atanio Williamnagar jillani wilwilao donggipa bang·bata skulni chatro chatrirangan bak ra·angtokaha aro official-rang baksa agangrikna cholko man·enba, dingtangmancha misini namgni-ni gimin aro gama ge·ani bidingo ma·sie ra·na gita cholrangko man·tokaha.

Ia program-ko ong·atanio East Garo Hills a·jani ADC Seldin N Sangma, tom·anio bak ra·giparangna aganprakangengon, misi ge·na nangengani gimin aganangenba, skang somoirango maikai misirangko gama ge·achim aro maikai uarangko chimonge rakkiachim, uarangni bidingo agan-talate on·angaha.

Ia Science Seminar-ko ong·atanio East Garo Hills a·jani District Agriculture Officer N Shadap-ba dongpae bakko ra·angengon, misirangni bidingo chatro chatrirangni ma·sina sike sing·anirangna agan-talatanirangko on·angskaaha.

Ia tom·anio, Educere Higher Secondary School-ni principal Gamchi Timre R Marak-ba dingtangmancha sokgipa ong·e jinmana aganprakangengon, misirangni mandena namgnirangko talate on·angenba, an·tangtangni an·seng baljokanina chengoni ja·rikbagipa gama ge·ani bewalrangkon ja·rikpilchina chatro-chatrirangko didiangaha.

Iakoba poraie nina man·gen: Himalaya Swimming Meet-o M’laya-ni sak 18 chi jrogiparang bak ra•gen

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub