Guwahati, Sept 24: Robibar salo, Assam-ni mingsingbegipa git ring·gipa Zubeen Garg sagiko Kamrup (Metro), Sonapur-ni Hatimura songo mande ra·bee so·aniko dakangaha. Sonapur-ona uni manggisiko pringni 10:55 bajio ra·baaha, jeon bang·a uko namnikgiparang bon·kame mande ra·aniko dakna tom·batokaha.
Zubeen sagini nogipa Palme Borthakur, uamangni nokdangni palo mande so·chakgipa ganchio wa·al so·aniko dakangaha, jeon ka·rimska ripengrang jekai Arun Garg aro Rahul Gautam-ba dongpae bak ra·angpaaha. Zubeen sagiko so·chakgipa biapona sak 85 mangni gita nokdangni manderang aro ba·rima ba·sarang re·angtokaha.
Zubeen sagini manggisiko so·a jamanoba uko namnikgiparang uko siaha ine bebe ra·na amkujaengachim. Indake ong·engon, Zubeen sagiko namnikgipa saksa mandeni mang so·chakgipa sambao asonge uni “Kar Porokh” ingipa gitko ring·an baksana uko chakatpiltaichina mol·molaniko jawilwat ge·sao niksona gita man·aha. Indake ge·sagipaora, uko namnikgipa sak hajalni hajal manderangni mobile phone-ni light-rangko teng·atenba uni namnikbatgipa git “Mayabini” ingipako ring·aniko nikna gita man·skaaha.
Iandakgipa kamrangara, Zubeen Garg-ko namnikgiparangni una ning·tue ka·saani aro uko mande ra·aniko mesokan baksana uni Assam a·dokni dakbewal rikbewalrangko kakket ra·dogipa ong·aniko mesoka.
Na·simang iakoba nina man·gen:
Na·simang iakoba poraina man·gen: A·gilsak gimikna silchidarerangko tarie watgipa ong·na India re·mikkanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
