Shillong, Apr 8: A·dokni 108 Emergency Service-ko private dolrangni chalaianirang namen namjabea aro National Health Mission-ni jako ra·e ka·anio kamrangko name ka·na man·a inenba a·dok uko ra·kamchina aro private company-na chalaina on·piljachina ine Meghalaya EMRI Workers Union a·dok sorkariko mol·molangaha.
Uandake Union-ni manderang Health Minister Wailadmiki Shylla-na memorandum-ko on·enba, 108 service-ko a·doko 1008-oni da·o bilsi 16-na chalaiengaha aro ian nanggitikani somoio songdonggipa manderangna dakchakgipa nang·chongmotgipa chol mingsa ong·a ine janapangaha.
“Ia service-ko jako ra·gipa GVK Company-ni kamrangko chalaianirang namsrangjani gimin, batanggimin salrango uno kam ka·giparang aro songdonggipa manderang jegalanirangko dakna nangao ga·akaha, maina ian manderangko, mongsongbate rang·gitik a·selo ga·akgiparangko dakchakna cholrangko on·nanio ja·manchakanirang bang·en dongaha,” ine Union-ni manderang GVK-na tender-ko on·piljachina raken jegale aganangaha.
“GVK-ni somoio chinga uamangni name chalaigijanirangko bang·en nikna man·aha, jekai nirok-simsakgijani, pangkamgipa workshop-ko dakna man·gijani, ambulance-ko somoi gita tarina man·gijani, koros komiatna jotton ka·ani, kam ka·gipa mande chu·onggijani, medical-ni bosturang chu·onggija sokbaani, komiani aro uandakgiparang,” ine Union parakatangaha.
Indake ong·engon, NHM-ni jako ra·ani ja·manode, 108 service-ko mamung neng·nikani gri namen chalaina man·enga ine uamang aganangaha.
Ia service-ara sorkarini koros on·atgipa aro nangchongmotgipa chol ong·ani gimin sorkari an·tangan uko chalaina nanga, aro gipin company-na on·genchimode, ku·mitu ra·ani aro gipin dolni chalaianisa ong·aigen ine Union-ni manderang talatangaha.
“Sorkarini chalaianiko gipinna on·genchimode, ia service-ra Company-nisa ong·aigen, manderangni ba sorkarinide ong·jawa,” ine memorandum-o janapaha.
Uni gimin, a·doko songdonggipa manderangni namgnina ia nangchongmotgipa service-ko gipinna tender on·jachina aro uno kam ka·giparangko rakkikamchina ine Union-ni manderang a·dok sorkariko didiangaha.
Una agreba, 108 Emergency Response Service-rango kam ka·gipa manderangko seokna “Shishupal Agency”-na sub-tenderko on·na ine sorkarini rai-ko union-ni manderang raken jegalangaha aro sorkarian uno kam ka·gipa manderangkoba seokna nanga ine dabiangaha.
Ru·uta somoirangonin ia Service-o dangdike on·giparangko sorkarian seokchina ine uamangni dabianirangko pil·taie janapangaha.
“Ia nangchongmotgipa service-rangna manderangko seokaniko gipin dolrangni jako ra·aniara kamrango ka·togijanirangko on·a aro donmitapgipa kamrangko naata ine chinga bebera·a,” ine Union-ni manderang parakatangaha.
Pilaknan apsangrik cholrangko on·na nanga, inenba, kamrangna manderangko seokanio sorkari ba National Health Mission (NHM) jako ra·na nanga ine Union-ni manderang aganangaha.
“Kamrangna dorgasto galchina pilak manderangna u·iatanichi, ia nangchongmotgipa kamrangko ka·na namgipa manderangna gimiknan apsangrik cholrangko man·na dakchakgen,” ine uamang agandapangaha.
Na·simang iakoba nina man·gen:
Na·simang iakoba poraina man·gen: BJP nangnikgenchimode Shillong LS By-poll-o susana man•aigen: Sanbor
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
