Shillong, Apr 8: Shillong-ni Lok Sabha MP Dr Ricky AJ Syngkon-ni sianganina da•o ong•atna nangenggipa Shillong Parliamentary by-election-o party-ni candidate-ko susaatna gita ma•mongo Bharatiya Janata Party (BJP)-ko dilenggiparang ra•chakmanahani gimin party-ni dilgiparang uko susachina nangnika ong•ode ua ia by-election-o susana man•aigen ine Budbar salo, BJP-ni dilgipa aro a•dokni Cabinet Minister Sanbor Shullai parakataha.
Shullai-ni aganani gitade, ia chang Shillong Lok Sabha by-election-o BJP-ba party-tangni candidate-ko susaatna nangnikahani gimin BJP-ni state president aro party-na kam ka•giparang, Delhi-ni high command-na seachi u•iataha aro ma•mongni dilgiparangba ia by-election-o susachina gita a•dokni dilgiparangna u•iataniko on•ataha.
Da•o dipet Shillong parliamentary by-election-na BJP, dorgastorangko ra•na a•bachengkujaenga ineba Shullai parakataha.
Shillong Lok Sabha by-election-o ua an•tangba susana nangnikengama ine sing•anina aganchakaniko on•angengon, ua party-na kakket ong•e dangdikgipa mande ong•e, party-ni high command ba a•dokni dilgiparang uko susachina nangnikgenchimode ua jechakgijan by-election-o susaaigen ine Shullai parakataha.
2019 bilsini Lok Sabha election-oba uko party-ni dilgiparang susachina aganahani gimin ua susana gita an•tangko tariaha indiba election-na antigittam skangsan una ma•mongni dilgiparang u•iatahani gimin ua kamrangko ka•srapjaha ine Shullai aganaha.
Na·simang iakoba nina man·gen:
Na·simang iakoba poraina man·gen: IRT-ni District Coordination, re·baenggipa wachi karini somoina tarisamsoanirangko nipilna tom·bimonganiko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
