Shillong, Sep 22: Akin Analytics, India-o skanggipa changna me·chikchi dilenggipa DeepTech AI aro Janaki Pulaparthi-ni a·bachengatgipa Drone Analytics startup, Department of Science & Technology-ni ning·o donggipa autonomous body dolsa chong·motan North East Centre for Technology Application and Research (NECTAR) baksa ku·monggrikani soiko ka·angaha.
Akin, jolo NIKAM2 KDM drone-ko ra·bana gita NECTAR baksa kamrangko ka·anggen. Ia drone-ara kg 16 mang jregipa bosturang baksana a·barango sam satani, koela a·damrangko niani aro ong·telaigipa obostarangni a·sel nanggitikan somoio dakchakaniko on·a jakkalangna gita man·gen. Ia bakrimaniara AI service-rang, drone-ni bidingo skie on·anirang baksana India-ni Salgro Salaram jolo songdongenggipa game ge·e cha·giparang, me·chik dolrang aro chadamberangna dakchakaniko on·a changa sapaniko skie on·ani program-rangkoba ong·atanggen.
Ia ku·mong nangrime kamko ka·na soi ka·grikaniara drone technology-ko mikkangchi nambatgipa janggi tangani baksana gital chanchibewalani aro pangkamgipa namroro silroroaniko ra·bana jakkaltobegipa ostro ong·atgen ine Janaki Pulaparthi aganangaha. NECTAR-ni Director Dr. Arun Kumar Sarma, ian Salgro Salaram-ko drone innovation-ni centre dakatna, an·tangari pangchakna man·gipa ong·atna (Atmanirbhar Bharat), India-ko Digital dakatna aro me·chikrangni dilanio namroro silroroaniko ra·bana dakchakaniko on·a mongsonggipa ja·ku de·ani ong·a ine janapataha.
Ia tom·bimonganio, NECTAR-ni Advisor Dr. Colin Z Renthelei, Chief Goematics Officer Mr. Rajendra Jena, Sr. Admin Officer Mr. Simon Phukan, Jr. Goematics Officer Mr. Sattyam, NECTAR-ni drone pilot-rang aro Teewave Technology-ni Chairman aro Akin Analytics-ni Advisor Dr. PVSL Narasimham-ba dongpae bak ra·angpaaha.
Akin, Guwahati Biotech Park office gita drone-rang aro AI-ni ostro-rangko on·anggen aro NECTAR uarangko songsalni namroro silroroanina dakchakaniko on·a jakkalangskagen. Uamang apsan ku·monge kamrangko ka·anichi gital chanchibewalani, manderangko bil gnangbatatani aro drone technology-rangko jakkale Salgro Salaram jolo namroro silroroaniko ra·bana miksongenga.
Na·simang iakoba nina man·gen:
Na·simang iakoba poraina man·gen: Pradip Kurbah-ni jawilwat Moon-ko Busan-ni Asian Project Market 2025-na seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
