Guwahati, Sept 22: Khasi-rangoni jawilwat tarianina niksenggipa Pradip Kurbah, chang-30gipa Busan International Film Festival (BIFF) baksa ong·atgipa mingsinggipa Asian Project Market (APM) 2025-ona Meghalaya-ni pal re·angna seokako man·aha. Dam 15 a·songrangoni pangna bilsina bate ge-455 ia bilsi on·atgipa jawilwatrangoni ge-30ko baseanio, uni project, Moon, ge·sa ong·pae seokako man·aha.
Asian Project Market-an jawilwat tarigiparangna uamangni kamrango dakchakgipa aro tangka-paisarangko ongiparangoni Asia-o dal·batgipa dol ong·a. Iako bilsiantian Busan, South Korea-o BIFF ine ong·atronga aro ianona dingtang dingtang jawilwat tarigiparangko international producer-rang, financier-rang, distributor-rang aro festival programmer-rangko grongna cholko on·a. Ritchani ritcha galatgiparangoni, ge-30mangni gitasan bilsiprako seokako man·ani gimin iana namen susatoka. APM-o mesokatchenggipa jawilwatrang bang·aan a·gilsako nambatgipa film festival-rang jekai Cannes, Berlin aro Venice-ona sokangna man·aha.
2025 bilsini Asian Project Market (APM), September 20 tariko a·bachengaha aro ua September 23-o BEXCO-o ong·atgipa chang 20-gipa Asian Contents & Film Market-ona kingking ong·anggen. Seokako man·gimin project-rangko sponsor category mingprakni ning·aona bimung on·atgen aro chegipani bimungko September 23-o ong·atgipa APM Awards Ceremony-o parakatgen.
Meghalaya-ni Khasi songjinma-o tarigipa Moon, gisik ra·atpilani, dostangna skimani, aro gisik pil·ani gimin ong·a. “Pilak manderangan dostangna jrime janggi tanga, aro ian manderangna parakronggijagipa gisiktangtango dongipa ong·a. An·ching iani gimin parakaton, uara gisikna tom·tomanikoma ma bate sa·dikbataniko on·gen ine anga sing·aniko dakna ska,” ine Kurbah aganaha.
Ia jawilwat-ara poedoko sea gita chacha ong·a, aro uko Khasi Hills-ni mikkaarigipa biapo pangchakenba, mikka-chin rongtalani aro gisik pil·aniko mesokaha. Iano, Khasi-rangni agangritingbagipa bewalrango pangchake, kattarangni pal jrip dongani aro gisik ra·atpilanichi miksonganirangko parakatna jotton ka·aha.
Kurbah saksa Shillong-oni dingtangmancha skie ra·ani gri an·tang chang-sapanichi jawilwat tarigipa ong·a. Adita jarangna skang, ia bilsion uni jawilwat The Elysian Field, Moscow International Film Festival-o Best Film aro Best Director-ko man·aha. 2019 bilsio ua BIFF-o Market-na Jiseok Award-koba man·aha, uandaken ua India-o jawilwat tarina jakgitele kam ka·giparangoni nambatgiparangoni saksa ong·aha.
Kurah da·o Moon-ko Hello Meghalaya aro Shiven Arts baksa bakrime tarienga aro una 30% budget-ko man·manaha. Kurbah aro unbaksa kam ka·giparang Khasi golporangko a·gilsak gimikna parak ong·atna gita dingtang dingtang a·songrangoni co-production partner-rangko sandinasienga.
Na·simang iakoba nina man·gen:
Na·simang iakoba poraina man·gen: Zubeen sagiko mande ra·na gnigipa salo bang·a manderang tom·kua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
