Shillong, Mar 26: Meghalaya a•dokna Liquified Petroleum Gas (LPG) wataniko 50 ba 60 percent-chi bariatchina gita mol•mole, ma•mong sorkarina sedoataha ine Bristibar salo, Meghalaya a•dokni Food Civil Supplies & Consumer Affairs Minister Methodius Dkhar parakataha.
Iani bidingo kobor ra•timgiparangna talate on•angengon, noko jakkalgipa LPG-ode komiani dongja indiba dokkanrango jakkalgipa LPG-rangsa chu•onga gita sokbajaengani gimin LPG wataniko 50 ba 60 percent-chi bariatskachina Meghalaya sorkari, Union Minister-na seataha ine Dkhar aganaha.
Meghalaya a•dokona gipin biaprangoni manderang rona re•barongani gimin LPG wataniko bariatchina ma•mong sorkariko mol•molataha ineba Dkhar aganaha.
A•doko LPG-rangko dongnue palna man•jana gita ba niam gri dam rakbate palna man•jana gita sorkari, ja•kurangko de•enga ine janapatengon, iarangko a•dokni Chief Secretary aro district administration-rang nirokenga ine Minister parakataha.
Da•o dipet restaurant aro hotel-rango LPG-rang bang•a bang•ja chu•ongjanaba gnang ine janapatengon, batanggimin antigni ba antigittamko nisusaode da•o obostarang namkalbatskaaha ine Dkhar aganaha.
Na·simang iakoba nina man·gen:
Na·simang iakoba poraina man·gen: Zubeen Garg-ni siani bidingo Singapore-ni report Assam-ni election-na skang ding·chaoattaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
