28.2 C
Tura
spot_img

1971 bilisio dakgrikanggipa sipai saksa Boko-o janggi gala

Must read

Boko, March 18: Dadhiram Boro, jean 1971 bilsio dakgrikanggipa sipai saksa ong•achim, sonibar walni bako uni atchiram song Boko-ni ning•ao donggipa Bhogdabari song-o janggi galaha. Ua Indian Army-ni Assam regiment-o 1966 bilsioni ka•enba 1989 bilsio kamoni nengtakahachim. Indake, 1971 bilsio dakgrike cheani bilsi 50 gapaniko maniani somoio Defence Minister Rajnath Singh, Dadhiram Boro-ko mande ra•pilskaaniko dakangaha. India-Pakistan dakgrikmiting somoio rim•a man•giparangoni uaba saksa ong•paachim. Kamoni nengtaka ja•man ua Boko-o dongkamenba songtangko namdapatna kamrangko ka•angaha. Ua saksa manderangni namgnina kamko ka•e niksengako man•gipa ong•achim, indake uni siani salgipino, Bhogdabari Development Commitee, Boko Regional Retired Soldiers Association, Boko Gaon Panchayat Cooperative Society, Kamrup District Boto Sahitya Sabha, Boko-Bongaon Boro Jatiya Parishad aro bang•a dingtang dingtang organisation ba dolrangni robibar salo uko bon•kame mande ra•aniko dakna re•baaniko nikna gita man•aha.

Advertisement

Uni jonggipa, Swadhin Boro-ni aganani gitade, uni adagipako 1971 bilsini December jaoni 1972 bilsini November jaona chongmotan bilsisana Pakistan-ni Gujrat jail ba patok ning•o don•ataha, indakenba jamano uko Pakistan-ni Lalpur jailona rimangaha. Indake ong•engon, “uko India- Pakistan sima ari-o donggipa Attari-Wagah gate-o sak 100 Army-ni sipairang baksa patokoniko watako man•aha indake ua nokona re•bapilna gita India-ni Amritsar-o donggipa camp-ona re•bapilaha,” ine Swadhin Boro janapangkuaha.

Advertisement

Ua saksa Boko Regional Retired Soldiers Association-ni Founding President ong•an baksana Boko-Bongaon Boro Jatiya Parishad-ni Vice President, Bhogdabari Development Commitee-ni President, Tribal Cooperative Society aro Gaon Panchayat Cooperative Society Agents Association-ni Founding Presidentba ong•achim.

Na·simang iakoba poraina man·gen: Bodoland University-ni Cultural Procession-ko ong•atara nanggrikani ong•skaa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

spot_img

More articles

spot_img
-->

Latest article