Guwahati, Aug 6: Assam-ni Skotong Minister Himanta Biswa Sarma, 2-gipa “Nijut Moina” Scheme-ko Guwahati University-o a·bachengate on·aha. Ia scheme-ko a·bachengatanichi me·chik bi·sarangna chubata gadango lekka pora skianiko on·anio tangka paisani gita dakchakaniko on·a a·dok sorkari raken kamko ka·enga ine nikna man·a.
Kobor ra·timgiparang baksa agangrikengon, tangka paisani gita neng·nikani gri lekka porako me·chik bi·sarangna on·a man·a gita ia scheme-ko a·bachengataha aro ia scheme-ni ning·o klas 11 aro 12-o poraienggipa me·chik bi·sarang gong 1000, undergraduate-o poraienggiparangna gong 1250 aro postgraduate-o poraienggipa chatrirangna gong 2500 ka·e jaantian on·gen ine Skotong Minister Sarma aganaha.
Ia scheme-ko me·chik bi·sarangna lekka pora skianiko on·anio tang·doatna miksongmangmangasan ong·aija, indiba me·chik bi·sarangko chonengpittioni bia ka·e on·aniko champengsona miksonganiba ong·a ineba ua agandapaha.
Ia scheme-ko 2023 bilsio a·bachengataha aro Assam a·dokni bang·a me·chik bi·sarangna namgniko on·aha ine nikna man·aha. Indake iandakgipa ja·kurangko de·anichi bang·a me·chik bi·sarangan postgraduate aro una batgipa gadango poraianio chu·sokgipa ong·atna didiani ong·gen.
Na·simang iakoba nina man·gen:
Na·simang iakoba poraina man·gen: Sak 30-na batpile palbadinggiparang CoVs-ko man·kuja
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
