Shillong, Aug 3: Hill State People’s Democratic Party (HSPDP)-ni MLA sakgni, doltangko watenba, re•baenggipa 2023 bilsini Meghalaya Legislative Assembly election-o gipin dolrangoni susaskana sienga.
Ia MLA sakgniara a•dokni PHE Minister aro Mawkyrwat constituency-ni MLA Renikton Lyngdoh Tongkhar aro Sohiong constituency-ni MLA Samlin Malngiang ong•a.
Koborko man•soani gitade, Mawkyrwat-ni MLA Tongkhar, United Democratic Party (UDP)-oni aro Sohiong constituency-ni MLA Malngiang, National People’s Party (NPP)-oni susaangskanaba gnang.
Indake ong•engon, Tongkhar-ko HSPDP-oni ong•katna sienga ine jangbingbanganiara kakketan ong•a indiba Malngiang-ni giminde da•o dipet mamingkoba name aganna man•kujaenga maina HSPDP-ni dilgiparang uko gronge agangrikna man•kujaenga ine HSPDP-ni general secretary Panborlang L Rynthathiang parakataha.
