Baghmara, August 3: South Garo Hills Horticulture Office Baghmara-ni gita Black Pepper Distributiom Scheme ba Golmuris chararangko seoka man·gimin gamgiparangna suale on·ani program-ko Karukol Auditorium-o August 3 tariko ong·atangaha.

Spices Mission-ni Nodal Officer Pa C D Sangma tom·aniko padot ong·e dilan baksa rimchaksoani kattarangko aganangaha.

Ia tomanio, South Garo Hills-ni District Horticulture Officer Pa H Basumatary, tom·ani miksonganiko agantalatangaha.

Program-ona mongsonggipa ong·e sokgipa Rongara Siju Constituency-ni MLA Rakkam A Sangma, Golmuris-ni namgni aro A·chik a·songni bang·bata biaprangan golmuris ge·na namsranggipa ong·a ine ia tomanio aganangaha.