Guwahati, Sept 26: Kaziranga National Park aro Tiger Reserve-ko samtangtango donggipa ong·telaigiparangko naljoke rakkina gital ja·ku de·anirang baksana songrebagiparangna nambata nika nianirangko on·a 2025-26 bilsina kulipiltaiaha. Western Range, Bagori-o ia kulipiltaie on·aniko jatni bewalo bi·ani aro dakmesokanirangchi a·bachengataha, jeon Kaziranga-ni MP Kamakhya Prasad Tasa, Khumtai-ni MLA Mrinal Saikia, PCCF & CWLW Dr. Vinay Gupta, Nagaon-ni DC Debasish Sharma aro gipin jolni dilgiparangba dongpae bak ra·angtokaha.
Uasan ong·aigija, Dr. Bhupen Hazarika-ni chang 100-gipa atchiani aro Kaziranga-ni matgrik Mahi Chandra Miri-ko gisik ra·e mande ra·aniko dakenba, uni grigipa Ajoy Patir aro Patir Opin Kebang-ko mande ra·aniko dakangaha. Ia maniani salo, REC-ni gita dam 120 anti-poaching camp-rangna solar-powered water system-rangko, NEEPCO-ni gita buringrango jakkalna 4×4 ambulance-ko on·an baksana LIC-ni gita dam 5 songrango jabolrangko name galani project-ko a·bachengate on·angskaaha. Skie on·ako man·gimin Safari salgipa driver-rangna gital uniform-rangkoba on·angaha.
Kaziranga authority-rangni Corbet Foundation-ni tarigimin Explorative Study of Insects and Spiders of the Woodland Habitat of Kaziranga ingipa gital report-o ming 283 rokomni jo·ongrang aro guwangrangko see rakkianiko dakna man·aniara, ia park-o bang·bea chonchongipa janggi gnanggiparangni donganiko mesoka.
Kaziranga-o ia bilsi gital paikanarang, Safari gate-o ringani chiko donchakgipa ostro-rang, gipin a·songni card-rangko jakkalna man·gipa ICICI aro HDFC-ni ATM-rang baksana Safari-o biap a·kangani app-koba da·o porikka ka·e nianiko dakenga. Uasan ong·aigija, ia bilsio songrebagiparang dingtang dingtang dake nianirang jekai a·bri doanirang aro chio songree roanikoba dakna man·gnok. Uasan ong·aigija uamang sepangjolo donggipa songrango ba·ra dokani, water hyacinth-oniko jaktangchi bostu tariani, song·a chananiko skie ra·ani, cha ringe niani baksana maikai cha bijakrangko ge·achim uarangkoba skie ra·aniko dakna man·gen.
Na·simang iakoba nina man·gen:
Na·simang iakoba poraina man·gen: M’laya Guv, Umiam Dispensary-ko niea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
