Shillong, Sept 27: Bilsiantin ong·atrongbaenggipa Sohra International Half Marathon 2025-ko nitobegipa Sohra jillao ong·atangaha, jeon India gimikoni aro gipin a·songrangoniko channe sak 10,576 katsusagiparang bak ra·angaha. Re·anggipa bilsiode sak 7,000 katsusagiparangsan ong·aiachim. Meghalaya State Olympics Association (MSOA), Directorate of Sports and Youth Affairs baksa nangrime ia katsusaaniko ong·atangaha, jekon Athletics Federation of India (AFI)-ni gitaba namnike ra·chakangaha.
Ia marathon-ko ong·atanio changgipa sapgipa athletes-rang, an·seng baljokanina be·en ranta ka·na gisiko nanggiparang, a·gipibatgipa manderang, bi·sarang aro skanggipa changna katenggiparangba bak ra·angtokaha. Olympic-o medal man·gipa MC Mary Kom, ia marathon-ko a·bachengate on·angan baksana ia tom·bimonganiko ong·atanina ong·atgipa dolrangko aro Sohra-ni samtangtango donggipa biaprangni nitoanina ra·doe aganangaha. Sports Minister Wailadmiki Shylla, Sohra-ni MLA Gavin Miguel Mylliemngap aro a·gipibatgipa official-rangba dongpae bak ra·angaha.
Nokdangni manderang, a·gipibatgipa manderang aro bi·sarangko man·chape sak 2,000 jolni katsusagiparangba ia katsusaanio bak ra·angpaaha. Marathon ong·atgipa biapo naljokani aro tom·tomani baksa ong·atna man·a gita volunteer-rang, police dolrang aro sana bananiko dakgipa dolrang nirokaniko dakangaha. Ia marathon-ko boksisrangko on·e matchotataha, jeon Chief Secretary DP Wahlang, MLA-rang, a·gipibatgipa IAS officer-rang aro AFI official-rangba dongpae bak ra·angpaaha aro iano chegiparangna tangka gong lakh 15.50-koba on·angaha.
21K Elite me·asarangni category-o, Dinesh Kumar skanggipa biapko, Kresstarjune Pathaw 2-gipa biapko aro Ravi 3-gipa biapko man·angaha. Me·chikrangni category-ora, Tamsi Singh skanggipa biapko, Tsehay Desalegn Adhana, 2-gipa biapko aro konta KM Sangeeta Pal 3-gipa biapko man·skaaha.
21K Open Meghalayan me·asa Category-o, Iohborlang Nongspung skanggipa biapko, Rishanmehi Ryngklem, 2-gipa biapko aro Monas Bongrung konta 3-gipa biapko man·aha. e·chikrangni category-o, Phyrnai Kyndait skanggipa biapko, Filinza Hansepi 2-gipa biapko aro Bethlyne Grace Makri 3-gipa biapko man·eaha.
10K bilsi 18-oni 39-ni me·asa category-o, Navneet Singh skanggipa biapko, Wanshankopar L Mawphlang 2-gipa biapko aro Rohit Kumar Rai 3-gipa biapko man·aha. Iani me·chik category-o, Neha Mishra skanggipa biapko, Meena Kumari Subba 2-gipa biapko aro Marqueenless Ramsiei 3-gipa biapko man·rikaha.
10K-ni bilsi 40-oni 45-ni me·asa category-ora, Bharat Bhushan skanggipa biapko, Tlanding Wahlang 2-gipa biapko aro Kmenlang Dkhar 3-gipa biapko man·aha. Iani me·chik category-o Dipamoni Deka skanggipa, Sushmita Rai 2-gipa aro Twina Pariong 3-gipa biapko man·angaha.
10K bilsi 55-na batgipa me·asa category-o, Swonding Mawlong skanggipa, Bikhayt Deuri 2-gipa aro Krishna Tamang 3-gipa ong·rikaha. Me·chik category-o, Thlingda Wanniang skanggipa, Romika Pyrtuh 2-gipa aro Snora Rani 3-gipa biapko man·rikaha.
Na·simang iakoba nina man·gen:
Na·simang iakoba poraina man·gen: College of Community Science, Tura, Food Festival-ko ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
