Guwahati, Apr 10: Assam State School Education Board (ASSEB), High School Leaving Certificate (HSLC) 2026-ni result-ko parakataha, aro gimik-gimang 65.62% chatro-chatrirang chu·sokaniko man·aha.
Ia porikkako SEBA framework-ni pal a·bachengatgipa gitalgipa ASSEB system-ni gita ra·aha, aro a·dokni dingtang dingtang biaprangoni lakni lak chatro-chatrirang uko seangaha.
Re·anggipa bilsi kolatchirangni gisepo High School Leaving Certificate (HSLC) porikkarangko seanirango chu·sokbatroroenga, aro data-rangko niatgenchimode, 1994 bilsio 30.9 per cent ong·aoni 2026 bilsio 65.62 per cent-ona tang·doaha ine nikna man·enga.
Uandake Klas 10-ni porikkarangko segiparangni merit list-o Jyotirmay Das-an skanggipa ong·aha, Akhankha Bhuyan gnigipa ong·aha, Jia Farah Islam gittamgipa, aro Surjit Akhtar brigipa ong·aha.
Ia bilsio chu·gimik sak 4,38,565 chatro-chatrirang HSLC porikkako seaha, aro unoni sak 1,90,243 me·asarang aro sak 2,48,322 me·chikrang ong·a.
Official data-ni gitade sak 85,189 chatro-chatrirang first division, sak 1,50,167 second division aro sak 46,345 third division-ko man·angaha.
1990 bilsirangni bon·angchipak aro 2000-ni a·bachengachipakrang, porikka see chu·sokgiparang 28.9 per cent aro 38.7 per cent-kosan man·e namen komia ine nikna man·gen. Chu·sokani komibatgipafe 1997 ong·a, jeon 28.9 per cent chatro-chatrirangsan porikka seanirango chu·sokaha.
Indake ong·genchimoba, bilsi 2000 a·bachengaoni dipetan obostarang nambatrorona a·bachengaha, aro uandake, 2005 bilsio skanggipa changna 50 per cent-na badeaha.
Na·simang iakoba nina man·gen:
Na·simang iakoba poraina man·gen: St Mary’s College-ni Indoor Sports Hall-ko CM nokdonggae on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
