Dibrugarh, Feb 16: Arunachal Pradesh-ni Forest Minister Wanki Lowang, a·dok gimiko chi tipanganiko champengsona gita gitcham bewalo a·ba o·e cha·aniko dontongskae bol wa·arangko bang·bate ge·skachina songdong a·chaenggipa manderangko mol·molataha.
A·doko bolrangko agre den·ani a·sel chi tipanganiko nikna man·enga aro apsan daken bol wa·arangko ripinge rakkijaode mikkangchi iana bate chi tipaniko chagrongna nangnaba donga ine Lowang, chang 51-gipa Central Oriah Celebration-ko Longding-ni General Ground-o ong·atanio aganaha.
Ia dal·begipa manianiko ong·atanina de·mitele aganan baksa, ia Oriah Festival-ko ong·ataniara ong·telaigipa gamrangko mande ra·aniko on·a cholko on·engani ong·a aro jatni dakbewalrangko ripinge rakkina nanga ineba ua aganaha.
Chief Patron ong·enggipa MLA Thangwang Wangham-ba bak ra·enggipa manderangna nama skaniko on·an baksa ma·gitcham pagitchamrangni dakbewalrangko ripinge rakkichina jedakode re·baenggipa chasongoba ja·rikna man·gen ine aganaha.
Arunachal Pradesh-ni gitcham Governor Lt. General K. T. Parnaik, PVSM, UYSM, YSM (Retd.), Arunachal Pradesh a·dokni manderangna nama skaniko on·angaha aro songsalo ku·mong nangrime dongchina aro tom·tomaniko rakkichina didiataha.
Ia tom·anio, Niaunu aro Zedua jatni bewalo ganding chindingrangko gane chinne me·chik dol chrok mesaangaha.
Oriah Festival-ara, uamangni dakgipa rugipa Rangwa-ko uamangni ge·e game man·giparangko akman tetman·ani ja·man mitelpilskaani ong·a. Ia manianio a·gipbibatgipa manderangko mande ra·an baksa songsalo bakrime janggi tanganiko mangrakbatatna miksonganio manianiba ong·a.
Na·simang iakoba nina man·gen:
Na·simang iakoba poraina man·gen: Koela a·damo goprete a·sel ong·gipani bidingo am·sandie parakatanirangko dakna jadokna somoiko on·a: M’laya CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
