Sao Paulo, Dec 30: A·gilsako robol kal·na changbatgiparangoni saksa aro Brazil a·songna robol kal·gipa Edson Arantes do Nascimento ba jekon a·gilsak gimikon ‘Pele’ ine mingsing minggamtokachim, Bristibar salo Brazil a·songni Sao Paulo songjinmao donggipa Albert Einstein Hospital-o a·gilsakko watangaha.
Pele-ko 2021 bilsini September jao colon cancer-o nangchapegipa sabisiko man·ahani gimin re·anggipa November 29 tarikonin Albert Einstein Hospital-o done sanna bananiko on·engachim indiba ua saaoni nampilna gita man·jae, Bristibar salo a·gilsakko watangaha.
Uni siangani somoio ua bilsi 82 gapahachim.
