Tura, Sep 3: Re·anggipa July jani 24 tariko, Tura-ni Mini Secretariat-ko chadrape so·sojengjeng ong·anina police-rangni rim·na sandienggipa ACHIK aro Garoland State Movement Committee (GSMC)-ni dilgipa Balkarin Ch Marak-ko police-rang, Tura-oni Williamnagar-ona dakanggipa gitcham ramao donggipa Bansamgre songni nok te·saoniko rim·na man·aha.
Robibar pringwalni, West Garo Hills a·jani police-rang, East Garo Hills police-rangni dakchakanichi Bansamgre songona re·angenba, nok te·sao dongnue dongengmitingo Balkarin-ko rim·na man·aha.
Ia biaponiko rim·baani ja·man Balkarin-ko kachario mikkangpaataha aro uko salgnina police-rangni ning·o donkuchina gita kachari rai on·ataha.
Iana skang, Tura-ni Mini Secretariat-o Chief Minister-ni dingtang dingtang dolrang baksa tom·engmiting somoio so·sojengjeng ong·atanina police-rang, ACHIK dolni sakgipin dilgipa Laben Ch Marak-koba August-ni 17 tariko rim·ahachim.
Balkarin aro Laben baksana police-rang, ACHIK-ni sakgipin dilgipa Bernitha R Marak-koba rim·na sandiengachim indiba da·o dipet uko rim·na man·skakujaengachim.
Iakoba poraie nina man·gen: Rongjeng-ni Mejolgre Wancho-o milsi pesusaaniko ong·atenga.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
