Shillong, Apr 1: 2007 bilsina skang adhoc-o rakkikamgimin manderangna promotion-rangko on·na Meghalaya cabinet ra·chake on·angaha.
“Adhoc-o rakkikamgimin manderangna seniority aro promotion-rangko on·anina niamrangni bidingo chinga chanchirimanirangko dakangaha. 2007 bilsina skang adhoc kamrango ka·enggiparangko chinga rakkikamaha, aro uandake uamangoni bang·anan promotion-koba on·aha,” ine Bubar salo tom·aniko ka·dilangani ja·mano a·dokni skotong minister Conrad K Sangma parakataha.
Service record-rangni bidingo jajaanirangchi, kamo rakkikama somoionima ma promotion-ko on·na somoioni man·gnirangko on·gen tik ong·kujae, Accountant General iarangni bidingo talchengna nangani gimin adita kamoni neng·takgimin manderangna pension on·anirang ja·manchakaha.
“Iano adita jajaanirang dongaha aro uni gimin service-ni niamrango pangchake niamrangko ong·e aro name ja·rikgiparangnade promotion-rangko on·e dormaharangko bate on·na ra·chake on·enga,” ine skotong minister talatangaha.
“Je promotion-rangko on·ani somoio niamrangko namedake ja·rikaha, uarangko chinga ra·chakenba, promotion man·gimin kamni kri nanggipa pension-ko on·na cholko on·enga,” ine Sangma talatdapangaha.
Uandake, 2007-na bilsina skang sak 3,000 adhoc-o ka·enggipa manderangko adita somoirangna skang sorkari kamo rakkikamaha ine skotong minister pil·taie gisik ra·ataniko on·angaha.
Na·simang iakoba nina man·gen:
Na·simang iakoba poraina man·gen: M’laya MP Saleng A. Sangma, Boko-Chaygaon-ni Congress Candidate-na campaign ka·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
