Guwahati, June 11: Adita antirangna mikka jimbee waani ja·man chakna ampilgija ding·pretanirang ong·skaenga. Assam sorkari agre ding·engani gimin skul ka·ani somoirangko dingtangataha.
Butbar salonin Assam a·dokni skulrang pring 7:30 bajioni a·bachenggnok ine Education Department uiataha. Assam ni bang·a districtrictrang jekai Lakhimpur, Dibrugarh, Jorhat aro Guwahati-o namen ding·beenga. Mongolbar salo Lakhimpur 38°C, Dibrugarh 37°C ong·pile ding·aha.
A·doko ding·dugaengani gimin mikgrake dongchina pilak District Commissioner-rangna Education minister Ranoj Pegu uiataha. Meteorological Department-ni mikrakatsansoani gita da·ororo agre sal dingpretanirang ong·naba gnang unigimin skul re·enggipa bi·sarangna simsakna nangchongmota ineba minister aganaha.
“Dibrugarh jekon Indiani cha bijakni songjinma ine mingsingachim da·ode namen ding·beenga. Skangode iano agrepile ding·rongja indiba batanggimin bilsignini gisepo ianoba namen ding·beengjok” Dibrugarh ni mande saksa aganaha.
India Meteorological Department oni uiatani gitade India a·song June-September monsoon session-o 106% mang mikka waani ong·gen indioba Salgro-Salaram a·dokrango ia bilsi mikka waani kominaba gnang. Iani a·sel game-ge·e cha·giparangna namen neng·nikani ong·naba gnang. Ringani china dilani, a·arang ran·krekanichi bol-wa·arangna kenchakna nanganirang ong·gen.
Na·simang ia video-koba nina man·gen:
Na·simang iakoba poraina man·gen: Assam-ni Nazira-oni me·chik saksa Ahmedabad-o sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
