Guwahati, May 28: Budbar salo, All India United Democratic Front (AIUDF)-oni dolrang, niamgri napsrukbagiparangko am·sandiani bimungo India-o songdongenggipa manderangni kosako kragija on·enggipa sinjetanirangko dontongatchina didiani chittiko Assam-ni Governor Gulab Chand Kataria-na on·angaha.
AIUDF-ni MLA aro General Secretary Rafiqul Islam, Guwahati-o chu·gimik lekka pancharang jekai a·a pattarang donggenchim ong·oba bang·bata manderangkon rim·aha ine u·iataha. Nokdangni mande gimikan India-ni manderara ong·genchimoba uamang sinjetanirangko man·an baksana mitam manderangkode sima ari-ni apalrangchiba watsretako man·enga ineba ua janapataha.
Uasan ong·aigija, nokdangni mande gimikan India-ni ong·ode, unoni saksa mangmangko maidake a·song gipinni mande ine agana man·a ineba ua sing·doaniko dakataha.
AIUDF-ni sakgipin MLA Aminul Islam, Rafiqul Islam-ni agananina ku·mongpaaniko on·engon, iani a·sel kangal cholgri manderangsa neng·nikanirangko chagrongna nangenga ine aganengon, bang·a manderangkon niam-ni gita maming dakchakani gri rimangenba, cha·ani, ringani ba paikana gri bangbanggipa biaprango donenga ineba ua u·iatangaha. Beben saoba a·song gipinni re·bagipa mande ong·ode, dongimin niamrangko ja·rikna nanggen, indiba iani gisepon dosgrigipa manderangnade sinjetanirangko on·na nangja ineba ua agandapangkuaha.
Adita manderangko gipin a·songoni re·bagiparang ine chanchichipani a·sel bang·a manderango sing·sandianirangko dake sorkari manderangko kenjagokatenga aro uni a·selan uamang NRC aro nokdangni gitcham lekka pancharangko mesokna draatanirangko man·enga ineba Aminul Islam janapataha.
AIUDF, India-o songdongkamgipa manderangna naljokani aro kragija on·enggipa sinjetanirangko dontongatchina Governor-ko ta·raken ja·ku de·anirangko dakchina didiataha.
Na·simang ia video-koba nina man·gen:
Na·simang iakoba poraina man·gen: Tura Music Academy “Street Music Classes”-ko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
