Guwahati, Apr 4: 2026 Assam Assembly election-na campaign-rangko ka·engon, election rally-ni somoio Assam Jatiya Parishad-ni (AJP) candidate Kunki Choudhury manderangni jegalanirangko chagrongaha.
Sukrobar walo Guwahati Central constituency-o Choudhury-ni rally ka·engmiting somoio, jegalgipa dolrangni, aro uoni mitamde BJP baksa bakrimgiparangni, chrik-a·bokanirangko dakenba so·sojengjeng ong·atanirangko social media-o watgipa video-rango niksona man·aha. Jegalgiparang AJP-ko a·rikenba Choudhury aro unbaksa bakrimgiparang, tom·bimonganiko dikdiksa dontongna nangaha.
Ia obostarang a·dokni skotong minister Himanta Biswa Sarma aro Assam Jatiya Parisha-ni gisepo matchu be·enko cha·ani bidingo matnange ingrikanirangni ja·mano ong·aha, aro ian election-na skang mongsonggipa biapko ra·enga.
Adita salrangna skang, AJP aro Guwahati Central-oni chakatenggipa uni candidate-ni kosako Sarma matnangenba, Choudhury baksa bakrimgiparangna Assam-ni bang·bata manderangni bebera·gipa toromni kosako re·enga ine aganangaha. Choudhury-ni ma·gipani social media-o gatatgiparang matchu be·en cha·anirangko mesoka ine agane, toromni bebera·anirangni bidingo Sarma adita sing·doanirangko dakangaha.
Una agreba, uamang ong·gija dakgipa manderang baksa bakrimenga aro a·songni obostarangni bidingo ong·gijagipa chanchianirangko parakatenga ine skotong minister matnangenba, pu·onani somoio manderang iarangni bidingo namedake chanchina nanga ine ua aganangaha. AJP-ni dilgiparang, jekai party-ni president Lurinjyoti Gogoi-ko, uamangni candidate-ko baseani bidingoba ua sing·doanirangko dakangaha.
Ia pilak matnanganirang mamung pangchakani dongja ine AJP jechakenba, iarang pilakan politics kal·anisa ong·aia ine aganangaha.
Guwahati Central seat-oni chakatenggiparangoni dambebatgipa, bilsi 26 ong·gipa Choudhury-ba ia matnanganirangko jechakaha. “Angni aro angni nokdangni kosako indake matnanganirangara ong·chongmotja. Ia constituency-o uamang an·tangni ama cha·aniko ra·chakaha ine ian mesokenga,” ine ua aganeba, pu·ongipa manderang janggi tangani cholrangko man·ani, rama-jal·ang aro uandakgipa rikanirang aro sorkariko name rikanirangkosa nangbata ine ua janapangaha.
Dolgnian matnanggrikanirangko dakanichi, Guwahati-o election-na susaanirango namen ding·chaobatatanirangko nikna man·enga.
Na·simang iakoba nina man·gen:
Na·simang iakoba poraina man·gen: Assam-oniko 1.5 kror-ni heroin baksa sak 3-ko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
