25.7 C
Tura

Akhil Gogoi-ni jaminna bi•aniko Gauhati HC jegala

Must read

Guwahati, Jan 7: 2019 bilsio rim•ako man•gipa Akhil Gogoi-ni jaminna bi•aniko Bristibar salo Gauhati High Court jegalataha.

2019 bilsio dingtang dingtang dolrangni Citizenship Amendment Act (CAA)-ko jegale so•sojengjeng ong•atani kamrangko ka•anio jak dongpaahani gimin Akhil Gogoi-ko rim•ahachim.

Iana skang, re•anggipa bilsini August jaoba ua NIA court-o jaminna dorgastoko galahachim indiba ua chango uni bi•aniko NIA court-ni gita jegalatahani gimin ua Gauhati High Court-o jaminna dorgasto galskaahachim. Indake ong•genchimoba Gogoi-ni jaminna mol•molaniko Bristibar salo Gauhati High Court-ba jegalattaiaha.

2019 bilsio dingtang dingtang dolrangni CAA-ko jegale jingjengatanirangko dakanichi Assam a•doko obostarang namjabatrorona kenchakenba ja•mano Gogoi-ko 2019 bilsini December jao Jorhat-oniko rim•ahachim.

Uamangko rim•ani ja•mano, so•sojengjeng ong•atani kamrango uamang jak dongama dongja aro Maoist bobil dol baksa jak dongama dongja, uarangko am•sandina gita National Investigation Agency (NIA)-na pakwate on•angskaahachim.

Manderangko ding•chaoatna jotton ka•anina matnange Gogoi-ko UAPA-ni ning•o rim•ahachim.

More articles

LEAVE A REPLY

Please enter your comment!
Please enter your name here

Latest article