Shillong, Apr 17: Budhbar salo, Shillong Parliamentary seat-na susaenggipa NPP-ni candidate aro Cabinet Minister ong•enggipa Ampareen Lyngdoh, bon•kame Malki Constituency-ni kal•chakram biapo uni campaign ka•aniko matchotataha aro Lok Sabha-ni MP-na uko seokgenchimode, songsalo man•enggipa me•chikrangni bilrangko ripinge aro chal•chake rakkigen ine ua ku•rachakangaha.
“Jatni ripinge rakkibaenggipa me•chikrangni bilrangko anga chel•chake rakkina ska. An•ching namen dingtanggipa jat ong•a maina, an•ching ma•gipani ma•chongko de•giparang ong•a aro ia bilko anga chel•chake rakkigen” ine Lyngdoh tom•anio aganaha.
Indake, State Assembly-ni gita, Khasi aro A•chik ku•sikrangko, Indian Constitution-ni Eighth Schedule-o napatchina, Inner Line Permit (ILP)-ko ra•gatchina aro uandake gipin neng•nikanirangni bidingo janape chittirangko bang•en sedoataha ine aganan baksa, uko MP ong•na cholko on•genchimode, bangki dongkuenggipa kamrangko chu•sokatna, ma•mong aro a•dok sorkarini gisepo ja•lang gita chacha kam ka•gen ineba ua ku•rachakaniko on•angaha.
Khasi aro Jaintia Hills a•jani dam 36 Constituency-rangni ning•o ong•gipa songrangona re•ange niahaon, manderangni chagrongenggipa bang•a neng•nikanirangko u•ibaana man•aha, indake, ia Constituency-ni manderangna aro a•dokna silroro namroroaniko ra•bana aro neng•nikanirangko janapna gita, ma•mong sorkarini cholgugako doktikna raken kamko ka•gen ineba Lyngdoh agandapataha.
Indake, ua, dingtang dingtang political party-rangni dilgiparangni una chapaaniko on•enganinaba uamangko mitelpilskaaniko dakangaha.
Na·simang ia video-koba nina man·gen:
Na·simang iakoba poraina man·gen: Assam-o West Bengal-ni CM, TMC-na campaign ka•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
