Ampati, June 13: District Level Inter-School Subroto Mukerjee Football Tournament 2025-ko ong·atanio, Ampati-ni St. Claret Higher Secondary School, ming 3 category-rangon chong·motan bilsi 17-na komigipa me·a aro me·chikrangni kal·ani baksana bilsi 15-na komigipa me·a bi·sarangni kal·anioba amgopaha. Ia tournament-ko Ampati Students’ Field-o ong·atangaha jeon dingtang dingtang skulrangoni robol kal·gipa dolrang bak ra·angpaaha.
Bilsi 17-na komigipa me·a bi·sarangni final kal·anio, St. Claret, Future Foundation-ko 2-1-chi amataha. Indake, bilsi 17-na komigipa me·chikrangni final kal·susaanio namen bilsugrike kal·anggenchim ong·oba penalty shootout-ko man·e, St. Claret 2-1-chi Birin Nuchong Secondary School-ni kosako cheaniko man·aha. Iani gisepon, bilsi 15-na komigipa me·a bi·sarangni final kal·anio, St. Claret School 11-5-chi Emmanuel English School-ko amchepatskaaha.
St. Claret-oni ” Best Player” award-rangko man·giparangara, bilsi 17-na komigipa me·asa category-o Arlundsky D Sangma, bilsi 17-na komigipa me·chik category-o Jreamme G Momin aro bilsi 15-na komigipa me·asa category-ora Alpinson Arengh ong·a.
Ia tournament-ko ong·atani bon·kamgipa salo, Additional Deputy Commissioner Dolrich B G Momin, mongsonggipa sokgipa ong·e, dal·batgipa sokgipa District Social Welfare Officer, Zanera Marak baksa chegipa dolrangna boksisrangko suale on·angaha. Momin, mongsonggipa sokgipa ong·e jinmana aganprakengon, ua chadamberangko pangnan rake kamrangko ka·china, mangsongatangna gisikko on·an baksana pekatgipa bosturangko gelchina aro an·seng baljoke janggi tangchinaba gisik ra·atangaha.
Nasha Mukt Bharat Abhiyan-ni ning·o, South West Garo Hills-ni District Social Welfare Office aro District Sports Office apsan nangrimenba ia tournament-ko ong·atangaha, aro ian International Day Against Drug Abuse and Illicit Trafficking baksa apsan ong·a. Tournament-o bak ra·pagipa sakantian pekatgipa bosturangko jegalna ku·mitchetaniko dakangaha.
Na·simang ia video-koba nina man·gen:
Na·simang iakoba poraina man·gen: Gital Assembly-ni kamrangko nipilna tom•aniko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
