Shillong, Jun 13: Shillong songjinmani Mawdiangdiang-o rikenggipa gital Meghalaya Legislative Assembly-ni kamrangko nipilna gita Sukrobar salo, Assembly-ni Speaker Thomas A Sangma-ni dilanichi dingtangmancha tom•aniko Khyndailad-o donggipa Assembly Secretariat-o ong•atangaha aro ia tom•anio, Meghalaya a•dokni Chief Minister Conrad K Sangma, Deputy Chief Minister Prestone Tynsong, sakgipin Deputy CM Sniawbhalang Dhar, a•dokni Chief Secretary DP Wahlang, Finance & Planning department-ni Commissioner & Secretary Dr Vijay Kumar D, Parliamentary Affairs-ni Commissioner & Secretary Cyril Diengdoh aro gipin official-rangba dongpae bak ra•angaha.
Tom•a matchotani ja•man kobor ra•timgiparangna talataniko on•angengon, ia gital Assembly-ko sorkari, somoi gita matchotna krenge kamko ka•engoba, ia gital nokko rikanio dakgualanirang dongjana gita sikkele ka•jaenga ine Assembly Speaker Thomas A Sangma aganaha.
Ia gital Assembly-ko matchotna donenggipa somoini gimin sing•anina aganchakaniko on•angengon, da•o dipet ia nokko dongimin somoi gita matchotangenga indiba rang•gitik a•sel ong•gnikode darangba agansamsona man•jani gimin matchotani somoikode aganna man•jawa ine Sangma talataniko on•angaha.
Gital Assembly-ko rikanio namdapatna nanganirangba dongkuenga ine janapatengon, iandakgipa kamrangna sorkari, u•i-ma•sigipa manderangko kamo rimnapenga ine Sangma aganaha.
Sangma-ni parakatani gitade, ia nokko rikenggipa contractor-rang aro designer-rang, kamrangko matchotna gita komibeoba jadokoni jachetmangde nangkuaigen ine aganenga.
Gital Assembly-ko rikanio sorkari, man•a dipet tik ka•sogimin korosna batatjana jotton ka•enga ineba Speaker aganaha.
Na·simang ia video-koba nina man·gen:
Na·simang iakoba poraina man·gen: A•dok sorkari District Nutrition Challenge-ko Meghalaya-o a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
