Ampati, Jun 24: Mongolbar salo, Meghalaya a•dokni Tourism Department, South West Garo Hills District Administration aro Meghalaya State Rural Livelihood Society (MSRLS) baksa nangrime Te•brong Festival-ko Ampati-ni BADO Multi-Facility Centre-o ong•atangaha aro ia manianio bang•a manderangan re•bae bak ra•angtokaha.
Ia Te•brong Festival-ko a•bachengatanio, Mahendraganj-ni MLA Sanjay A Sangma, Rangsakona-ni MLA Subir Marak, South West Garo Hills a•jani Deputy Commissioner Hema Nayak, SP Vikar Kumar aro dingtang dingtang sorkari official-rangba bak ra•angtokaha.
Ia Te•brong Festival-ko ong•atanio dam 10 stall-rangko done, te•brongoniko tarigimin ma•manti bosturangko mesokangaha aro iano dingtang dingtang self help group (SHG)-rangba an•tangtangni tarigimin bosturangko mesokna aro palna sim•na cholko man•aha.
Ia Te•brong Festival-ko ong•atanio dingtang dingtang susaanirang, jekai A•chik bijakrangko song•susaani, te•brong cha•susaani, jrebatgipa te•brongna susaani aro uandakgipa gipin program-rangkoba ong•atangaha. Jrebatgipa te•brongna susaanio, Jangnapara songoni Arfeush S Sangma, kg 37.89 ong•gipa te•brongko mesoke chegipa ong•aha.
Bon•kamao Tug of War ba budu salgrikaniko ong•ate, ia Te•brong Festival-ko matchotataha.
Ia Te•brong Festival-ko ong•atani bidingo South West Garo Hills a•jani Deputy Commissioner Hema Nayak, Hub News-na talataniko on•angengon, Garo Hills-o te•brong bang•en nanggenchimoba chadamberang ia biteko cha•na gisik nangtokjani gimin te•brongni gamchataniko mesokna gita ia Te•brong Festival-ko ong•ataha ine parakataha.
Ia salni bako te•brongoniko tarigimin ma•manti bosturangko stall-rango mesokanian, songo noko bading chiwale cha•enggiparangna cholko mesoke on•ani gita ong•aha ineba ua aganaha.
South West Garo Hills a•jao game ge•e cha•na aro na•tokrangko jile cha•na cholrang bang•en donga ine janapatskaengon, ia jolrango cashewnut bagan dake cha•enggiparangnaba sorkari, dingtangmancha Prime Rural Hub-ko a•bachengataha ine Nayak parakataha.
Na·simang ia video-koba nina man·gen:
Na·simang iakoba poraina man·gen: NEIGRIHMS-ni doctorrang Salgro-Salaram-o skanggipa changna airway procedure-ko ka·e sagipako jokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
