Guwahati, Apr 14: National Security Act-ni (NSA) ning·ao Khadoor Sahib-ni MP Amritpal Singh-ni patoko dongani April 22 tariko matchotgenchimoba, uko Assam-on donkuchina Punjab sorkari Union Home Ministry-na aganangaha.
A·dok sorkari Singh-ko Punjab-china rimanggija Dibrugarh Central Jail-on donkuaichina ine ministry-ko mol·molataha. Uandake, Transfer of Prisoners Act, 1952 baksa Punjab Amendment Act, 2025-ko jakkalenba Singh-ko patoko donna Assam sorkarini rai-ko ra·china aro uni kri niamko ja·rike ja·ku de·na man·na gita aganpilchina Punjab sorkari Union Home Secretary-ko didiangaha.
Singh aro unbaksa bakrimgiparang uamang baksa ka·rimska saksako patokoniko jokatna ine Amritsar-ni police station-o napdraa ine matnanganiko man·ani ja·mano uko February 24, 2023-o Ajnala police station-o FIR ka·aha.
NSA-ni ning·ao uko patoko donaniko April 2024 aro pil·taie April 2025-o ra·doataha.
Unbaksa Dibrugarh-o dongipa uni bakrimgipa saksku manderangni NSA-ko ra·doatjahani gimin uamangko Punjab-ona rimangaha.
Uandake, Singh-ko patoko donani somoi April 22 tariko bon·gen aro uni ja·manoba uko rim·taipilnaba gnang ine Director General of Police aro Senior Superintendent of Police, Amritsar (Rural) u·iataha ine Ministry of Home Affairs, Punjab Home Department April 11 tariko parakataha.
Na·simang iakoba nina man·gen:
Na·simang iakoba poraina man·gen: Lower Lumparing-o rikgipa masjid-ko KSU pe•e gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
