Tura, Apr 14: Garo Hills Autonomous District Council (GHADC)-ni bilsi 74 gapaniko Mongolbar salo, Tura-ni District Auditorium-o maniangaha aro ia tom•anio, Meghalaya a•dokni Cabinet Minister Timothy D Shira, mongsonggipa sokgipa ong•e bak ra•angaha.
Ia tom•aniko ong•atanio, West Garo Hills a•jani Deputy Commissioner Vibhor Aggarwal, GHADC-ni Chairman Sengchim N Sangma, GHADC-ni Chief Executive Membor (CEM) Dhormonath Ch Sangma, Deputy CEM SM Marak, dingtang dingtang MDC-rang aro gipinrangba dongpae bak ra•angaha.
Ia tom•anio GHADC-ni Chairman Sengchim N Sangma, jinmana aganprakengon, GHADC-ko man•na krengdilanggipa pagitchamrangko aro dilgiparangko mittelpilangenba, A•chik a•songko aro jatko chalaianio council-an mongsonggipa gari gita ong•angkugen ine aganaha.
GHADC-ni CEM Dhormonath Ch Sangma-ba jinmana aganprakengon, GHADC-ni skanggipa CEM Captain Williamson A Sangma-na mande ra•pilskaaniko on•angenba, GHADC-ni ka•enggipa kamrangni gimin agan-talatanirangko on•angaha. Jatni daka rikani aro niam retirangko ripinge rakkiangkuna gita Garo Customary Law (GCL)-ko aro GHADC-na dingtang electoral roll-ko ra•gatna gita Council, raken kamko ka•enga ineba Sangma, ku•rachakaniko on•angaha.
GHADC-ni bilsi 74 gapaniko manianio mongsonggipa ong•e sokgipa a•dokni Cabinet Minister Timothy D Shira-ba tom•anio bak ra•giparangna aganprakengon, a•songna jakgitelko man•anio Mahatma Gandhi aro Dr BR Ambedkar-ni ka•anggipa kamrangni gimin janapangenba, a•songni jakgitelaniko man•na siengaha ine ma•sisoenba a•brirango songdongenggipa Tribal jatrangba, an•tangtangko chel•chakna aro niam bidikko tarina dingtang cholko nangnikaha ine Shira aganaha.
GHADC-ko chalaianio tangka paisani gita neng•nikanirangko man•na nangahani gimin kam ka•giparangna ja 42 ong•pile dormaharangko on•na man•jaha ine janapatengon, GHADC-o kam ka•giparangna dormaharangko on•na gita ja•kurangko de•ahani gimin ua a•dokni Chief Minister Conrad K Sangma-ko mittelpilangaha.
GHADC-ni bilsi 74 gapaniko manianio St Xavier’s Secondary School, Tura Public School, Montfort School, Tura Music Academy aro Do•kaku Art & Cultural Association, chrokani, git ring•ani, dakmesokani, doka dam•ani aro Wangala chrokanirangchi manderangko an•saoatangaha.
Na·simang iakoba nina man·gen:
Na·simang iakoba poraina man·gen: Amritpal Singh-ko Assam-ni patoko donangkuna Punjab sorkari mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
