Tura, July 21: An·tang janggiko so·ote siaha ine chanchichipenggipa minggni case-rangko West Garo Hills a·jani Tura aro Dalu-oniko man·soaha.

Koborko man·soani gitade, Tura-ni Lower Hawakhana-o dongenggipa Dennis R. Marak-ni kutturitangon ceiling fan-o dingdee dongenganiko uni ma·gipa, Geeta R. Marak, pringni 7:30 bajimango nikaha. Indake bakan authority-rangna uamang u·iataha aro uni manggisiko postmortem ka·na ra·angaha.

Apsan daken Dalu-o dongenggipa bilsi 55 ong·gipa Melbath D. Sangma-koba uni nokon dingdee dongako nikaha. Jolo donggipa manderangni aganani gitade, Melbath, gisikni gita sinjetaniko man·engachim aro ia a·sel ong·ani somoio ua an·tang nokdangni manderang baksa ekgrike dongengachim.

Ia minggni case-rangni bidingo sing·sandianiko dakenga aro postmortem ka·ani report-ko man·soahaon, siani chong·mot a·selko u·igen ine Police-rang parakataha.

Na·simang iakoba nina man·gen:

Na·simang iakoba poraina man·gen: Dolguri songo dal·drobaenggipa me·asa saksako so·otna jotton ka·anina gisik sokmangijagipa mandeko rim·a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub