Itanagar, Nov 10: Arunachal Pradesh-ni Aalo-o donggipa private school-o poraienggipa chatro saksani manggisiko Robibar salo man·taiaha aro an·tangko so·ote sina nanga ine chanchichipenga.
Koborko man·soani gitade, ia chatroara class 11-o poraienggipa Tato Podo ong·achim aro uni dingdee dongenggipa manggisiko uamangni bathroom-oniko nikna man·aha.
Indake, iani bidingo School-ni authority-rang bakan Police-rangna u·iataha aro uni siani chong·mot a·selko uamang am·sandianiko dakenga.
Batanggimin antisana skangmangmangsan Sainik School, East Siang-ni class 7-o poraienggipa bilsi 12 ong·gipa chatroni manggisiko nikna man·aha aro ua an·tangko so·ote siahakon ine koborna parakataha.
Indake ong·genchimoba ia sianggipa chatroni abitang Tadu Haro jean 2024 bilsio Miss Arunachal-ko cheahachim, uni jonggipako una dal·batgipa chatro chatrirang kal·ake rorongaha aro saknaatrongachim ine matnangatan baksa uni jonggipa an·tangko so·ote sijawa ian gipinni jaksa ong·a ine parakataha.
Indake iani bidingo am·sandianiko dakani ja·man Sainik School East Siang-ni sakgittam staff memberrangko East Siang Police rim·aha.
Ia manderangara, Subandiri House-ni House Master Devendra Singh (Junior Cadet Wing), Kangge Darin (Senior Cadet Wing) aro school-ni hostel Hostel Superintendent Amar Singh Thakur ong·a ine East Siang-ni SP Pankaj Lambo parakataha.
Na·simang iakoba nina man·gen:
Na·simang iakoba poraina man·gen: Turathon Hills Challenge 2025-o sak 2,000-na bate katna gisiko nanggiparang bak ra·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
