28.4 C
Tura
spot_img

Arunachal-o LS aro Assembly Election-na campaign ka•ani matchota

Must read

Itanagar, Apr 17: Arunachal Pradesh-o Lok Sabha aro Assembly Election-na campaign ka•ani, Budhbar attamo matchotangaha. Ia eleksinni ming 7 phase-rangoni skanggipa phase-ni pu•onnaniko April 19 tariko dakanggen.

Indake apsan somoion, Lok Sabha seat-na, Arunachal Pradesh West aro Arunachal Pradesh East Parliamentary Constituency aro dam 50 Assembly seat-rangna April 19 tariko susaaniko dakanggen.

Iani gisepon, a•dokni dam 60 Assembly seat-rangoni, dam 10 seat-rango gipin candidate-rang susagipa dongjani gimin, gipinrang baksana Skotong Minister Pema Khandu, Mukto seat-o aro Deputy Chief Commissioner Chowna Mein, Chowkham seat-o chegipa ong•aha.

Indake, sak 133 candidaterangoni sak 50 BJP candidate-rang, sak 19 opposition party Congress candidate-rang, sak 14 Nationalist Congress Party (Ajit Pawar) candidate-rang, sak 20 National People’s Party (NPP) candidate-rang, sak 11 People’s Party of Arunachal candidate-rang aro bangki dongkuenggipa independent aro gipin party-rangni candidate-rang ong•achim.

Lok Sabha Election-ni damgni seat-rangna susagni sak 14 candidate-rang donggenchimoba, Union Minister Kiren Rijiju aro State Congress President aro gitcham Skotong Minister Nan Tuki-ni gisepo Arunachal Pradesh West seat-na mongsonggipa ong•e susaanggen. Iani gisepon, BJP-ni MLA Tapir Gao aro Congress-ni gitcham Minister, Bosiram Siram-ni gisepo, Arunachal Pradesh East seat-na mongsonggipa ong•e susaangskagen.

Meghalaya Skotong Minister Conrad K Sangma-ni dilenggipa NPP-ni gita sak 20 candidate-rang Arunachal Pradesh Legislative Assembly Election-o susagenchimoba, Lok Sabha seat-na susaenggipa BJP candidate Kiren Rijiju aro Tapir Gao-na, party-ni gita chakpaaniko parakataha.

Indake, Assembly Election-na pu•onaniko, June 2 tariko channaniko dakanggen aro Lok Sabha Election-na pu•onnaniko June 4 tariko channaniko dakangskagen.

Indake, ge 6,874 EVM-rangko jakkalengon, niam gita kraa bewalo eleksin-ko ong•atna man•a gita sak 11,130 polling Offial-rangko nirokna watataha.

Union Home Minister-ba Central Armed Police Forces (CAPF)-ni sak 7500 personnel-rangko watatskaaha.

Na·simang ia video-koba nina man·gen:

Na·simang iakoba poraina man·gen: Assam-ni sakgittam manderangni kamgimin manggisiko man•a, maming chingri manggisirangko East Garo Hills-o gopa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article