Williamnagar, April 17: Assam-ni sakgni chadambe baksa uamangni para ra•bagipa gari saltimna rimbagipa mande saksako man•chape so•otako man•aha, indake uamangni manggisirangko u•ina man•pilgija so•enba, East Garo Hills-ni Rongjeng-oni km 15 mang chelgipa biap Rongmil-o ge•gni a•kolrangko alimila cho•enba gope galaha.
Election ong•na mikkango indake so•otaniara, a•jao songdong a•chaenggipa manderangko jagokataha.
Police-rangni u•iatani gitade, ia sakgittam manderang mongolbar pringnin Goalpara-oni ong•katbaaha aro indake, Damra-Dainadubi-wageasi rama gita Rongmilona re•angmiting somoio, East Garo Hills-o napa jaman pringni 6 bajimango cha ringenga ine nokni manderangna call ka•e aganataha.
Uni jamano salgimik ong•na ampiloba darang baksaba agangrikata ba kobor ra•atna man•jahani gimin nokni manderang jajrengna a•bachengaha indake jamano authority-rangna koborko on•ataha.
Indake, police dolrang sandianiko dakenba, uamangni para ra•bagipa maruti swift gari jean bon•pile kamako man•ahachim, uko Rongmil-ni diltubegipa wa•griponiko nikaha.
Una agreba, uamangko gopna skang so•otenba, uamangni manggisiko so•chakgipa biaprangkoba pocie dolrang u•ina man•aha.
Indake ong•engon, sakgni mandeni manggisirangko apsan a•kol ge•sano aro ge•gipin a•kolo saksani manggisiko gopaha jekon uamangko saltimgipa driver-ni manggisi ong•na nanga ine chanchichipenga.
Sianggiparangoni saksako, Jamar Ali aro sakgipinko Nur Mohammad ine mingachim uamang sakgnian Goalpara Dolguma-oni ong•a.
Iani bidingo, Police dolrang banggija somoirangni gisepon rongtalbate koborrangko parakatgen.
Na·simang ia video-koba nina man·gen:
Na·simang iakoba poraina man·gen: Ampareen Election-na campaign ka•aniko matchotata aro songalo man•enggipa me•chikrangni bilrangko chel•chake rakkina ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
