Tura, Apr 17: April-ni 19 tariko ong•atenggipa Lok Sabha election-o kamko ka•na donatako man•gipa polling official-rangoni dol 292 polling official-rang, Budbar salon EVM aro pilak nangchongmotgipa bosturangko ra•e, an•tangtangni polling station-rangona re•chakatangtokaha indiba sepangkalgipa dam 247 polling station-rango kamko ka•na donata man•gipa polling official-rangde Bristibar pringoni re•chakatangskagen.
2-Tura Parliamentary constituency-ni ning•o gimik dam 1224 polling station-rang donga aro ianoni dam 539 polling station-de West Garo Hills a•jaon ong•achim.
Lok Sabha election-na tarisamsoani bidingo 2-Tura Parliamentary constituency-ni Returning Officer Jagdish Chelani, Hub News-na talate on•angengon, re•anggipa 2023 bilsini Assembly election-o gari a•sel ong•anichi polling officer saksa so•otako man•na nangahani gimin ia changode polling official-rang gimiknan 4×4 garirangni pal bus gari aro LMV-rangko on•skaenga aro 4×4 garirangko jakkalgenchimoba, official-rangni bosturangko salnasa jakkalskaenga ine parakataha.
Ia chang election-o gari saltimgipa manderangko nirokna gita police-rang, ‘Breath Analyser’-rangko jakkalenga ineba DC u•iataha aro badiaba driver-rangko chu ringe gari salako rim•a man•genchimode, uni kosako rakgipa ja•kurangko de•anggen ine parakataha.
West Garo Hills a•jao polling official-rangna aro sipai dolrangna gimik bol 600 garirangko jakkalenga ineba DC parakataha.
West Garo Hills a•jao gimik ge 740 EVM-rangko jakkalenga ine u•iatengon, ia EVM-rangko polling dolrangna on•atna skang changgittam check ka•aha ine West Garo Hills a•jani District Election Officer parakataha.
Na·simang ia video-koba nina man·gen:
Na·simang iakoba poraina man·gen: Arunachal-o LS aro Assembly Election-na campaign ka•ani matchota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
