Dibrugarh, Oct 18: Arunachal Pradesh-ni Saliramchipak Longding a·jao donggipa tangsekgilgil a·brirangni gisepo donggipa Kaimoi songko a·gilsakni bang·a manderangan u·itokja.
September 27-o, World Tourism Day-o a·dokni tourism department-ni una ‘best tourism village’ ine boksisko on·na skangde ia songni bimung mingsingkujachim.
Ia songona re·ange nion, tourism-ko namdapatna bang·a cholrang donga ine nikna man·aha. Longchan-ni Zila Parishad Member Rajiv Wangsa-ni dilanichi, ia mikkim gnanggipa boksisko man·e songni manderang namen an·saobeaha aro da·o uamang an·tangtangni songko a·songo aro a·gilsak gimiko niksenggipa ong·atna kang·kare kae ra·aha.
Best Tourism Village 2025 Award-ko man·anichi ja·mano songo touristrangko rimchaksoani aro sokachakanirangko dakna Kaimoi songni GPC Gangpan Pansa-ni dilanichi Gram Sabha-ko ong·atangaha.
Ia tom·bimonganio dingtang dingtang chanchirimanirangko dakangaha jekai songo tourism development Committee-rang aro Women cultural Group-rangko bikotanirang, rimchaksoani cholgugarangko rikanirang, Kanubari Checkpoint, Dibrugarh Airport Longding Town aro uandakgiparango biapni chin-rangko tarianirang, Homestay-rangko rikanirang, do·orangko nina aro uandakgiparang ja·achi re·ani ramarangko namedake tarianirang, samtangtangna nosto ong·atgijagipa bosturang jekai wa·arangoniko ringchakanirang aro uandakgiparangko tarianirang. Unbaksana, manderangni janggi tangani bewalrangko aro Wancho jatrangni dakbewalrangko ripingna nangani gimin Longding-ni District Tourism Officer, Tanyup Konyak manderangna talate on·angaha.
Gram Sabha-o Rajiv Wangsa, ZPM Longchan Anchal Block, Chonai Wangpan, District consultant PHED, Wangrey Lowang, JE Wakka section PHED, songni nokma, Gram Panchayat-ni member-rang, Village Water & Sanitation Committee, Kaimoi Tourism Society , Village Development Committee, Kaimoi Women Society, Kaimoi Student Union, village Youth committee aro gipin dolrang bak ra·angaha.
Uandake, ia tom·anio, Arunachal Pradesh protection of Drinking water catchment areas at, 2023-Act no. 5 of 2023-ni ning·o, Kaimoi songni dilgiparang ringani chi-rangko on·gipa chimikrangko ripingna ine tik ka·angaha.
Songo rongtal-an·talanirangko rakkina inenba bikotgimin dolbonga me·chikrangni dolrangoni nambate dakenggipa dolgittamna boksisrangkoba on·angaha. Ia boksisrangko man·anggiparangara Chingbanza colony, Chingkau colony aro Chingke colony ong·a.
Na·simang iakoba nina man·gen:
Na·simang iakoba poraina man·gen: Umsning-o IED bomb donanio jak donggipa HNLC-ni sak6 manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
