Guwahati, Dec 26: Salgro Salaram joloni chong·motan, Assam aro Mizoram-oni sakgni bi·sarangna, a·songna doka dam·ani aro science-ni gita ge·a gamani cholko bikotahanina Pradhan Mantri Rashtriya Bal Puraskar Award-ko on·aha.
Ia Award-ko man·giparangara, Assam-ni Jorhat-oni bilsi 14 ong·kuenggipa Aishi Prisha Borah, Science & Technology-o nambatsranggipa ong·anina aro Mizoram-ni Lunglei-oni bilsi 9 ong·kuenggipa Lalduhawmi Hnamte, Art & Culture-o nambatsranggipa ong·ahanina Award-ko man·aha aro uamangna a·songni President Droupadi Murmu-ni jakchi ia Award-ko on·angaha.
Aishi, galgimin newspaper-oniko pencil tariani aro sam brina gri ge·a gamaniko dakani machine-ko tariaha aro uni tarigimin kamrangko, New Delhi-ni Rashtriya Bal Vaigyanik Pradarshini-o aro Ahmedabad-ni National Children’s Science Congress-ko ong·atanio mesokangaha. Ua INSPIRE MANAK State Award (2022) aro Dinanath Pandey Silver Innovator Award-ko Innovation Festival 2025-o man·aha.
Uandake Ester-ba, a·songna ring·mitelani aro doka dam·anichi a·songni manderangko ka·srokataha aro 20 million mang batpile views aro 1.13 million subscriber-rangko YouTube-o man·aha. Ua 2024 bilsini December jao, Ashtalakshmi Mahotsav-o ring·mesokaha aro iano A·songna ring·mitelahanina Union Minister Amit Shah-ni ku·rangchi de·mitelako man·aha. Iana agreba, Prime Minister Narendra Modi-ni dongpaanioba ua ring·mitelange de·mitelako man·aha.
Ia bilsio, dam 18 a·dokrangoni aro Union Territory-rangoni sak 20 bi·sarang Pradhan Mantri Rashtriya Bal Puraskar Award-ko man·aha.
Na·simang iakoba nina man·gen:
Na·simang iakoba poraina man·gen: Salgro Salaram-ni Journalist-rang Ezrela Dalidia-ni sianina kalima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
