Guwahati, Dec 26: Salgro Salaram-ni Journalist-rang Mizoram-ni Ezrela Dalidia Fanai-ni (41) rang•gitik sianina kalimaniko dakaha. Uni manggisiko Bristibar salo Aizawl-o uni nokoniko man•aha.
Dalidia Doordarshan Kendra Aizawl-o kobor on•timgipa ong•a baksana All India Radio News-oba kam ka•achim aro ua ru•uta bilsirangna Salgro Salaram-ni koborrangko a•song gimikni manderangna agantimgipaba ong•achim.
Ua dingtang dingtang media dolrang jekai India Today, NDTV, aro biaptangtangni gipin dolrang baksaba kam ka•achim.
“Siani nang•ona seng•gnang sokbaaha aro manderangni nang•ni ka•dingani ku•rangko gisik ra•gipa dringrangoni na•a jrip jrip wate re•angaha. Na•a nang•ni dukko mesokjaha aro uandaken chinga nang•ni dukni baljrimaniko u•ijaha. Na•a re•angahaoba nang•ni gimin chinga gisik ra•a aro duk man•a. Gronga grongtaijana kingking, name re•angni angni ripeng Ezrela Dalidia Fanai. Tom•tomao neng•takbo,” ine journalist Chandrani Sinha uni Facebook post-o seaha.
“Aizawl-oni gisik seng•gipa dambe journalist saksa Ezrela Dalidia Fanai a•gilsakko wate re•angaga. Chingna nang•na ka•pakbegen,” ine sakgipin journalist Biswa Kalyan Purkayastha-ba seataha.
Uandake, Salgro Salaram-ni Journalist-rang Ezrela-ni rang•gitik sianganina duk chakrimaha.
Dalidia an•tangni ma•gipa aro an•tangni jilgipa achak baksa janggi tangengachim aro adita sal-somoirangna skangan uni ma•gipa aro achakba siahachim.
Dalidia-ni siani somoio uni sepangbatgipa ma•drang maharirang saksaba dongjachim. Nokni manderangni siani a•sel ua namen duk man•bee salrangko re•atengachim ine kobor man•aha.
“Bristibar pringo (December 12) uni ma•drang-maharirang una phone ka•o man•jani gimin, uamang, uni noksulrang baksa uni nokko dokdrake napaha aro uni manggisiko a•pao nikeaha,” ine police-rang parakataha.
Uni siani a•selko da•o am•sandiengaha. “Am•sandianiko a•bachengmitingo ong•ani gimin chinga da•o dipetde mamungkoba aganna man•kujaenga,” ine police aganaha.
Na·simang iakoba nina man·gen:
Na·simang iakoba poraina man·gen: Dong songo skanggipa changna Sunrise Festival-ko December jani 29 tariko manianggen : Arunachal Pradesh
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
