Guwahati, Dec 31: Assam, CID-ni Cyber Police Station, Jorhat Medical College and Hospital (JMCH)-o Surgery-ni Professor aro a·gipibatgipa surgeon ong·enggipa Dr. Sadagar Deuri-ni FIR ka·anina ta·raken ja·ku de·aniko dakataha. Ua “digital arrest” ingipa cyber scam ba online cha·boke cha·anio ja·ga saako man·aha. Cybercriminal-rang ba online cha·boke cha·giparang, law enforcement official-rang gita dakjeenba Dr. Deuri-ko ka·mikenate, tangkarangko watchina challaki dakataha, indake uamang chu·gimik lakh 49 mangni gita uni tangkarangko cha·boke ra·aha.
Badi ka·a bakan ja·ku de·aniko dake, CID dol lakh 8-na bate tangkarangko okani ba watanirangko chu·gimik champengatna man·aha. CID dol, dongkuenggipa tangkarangko man·pilna aro account-rangko champengatna gita pilak bank-rang aro tangka paisani bidingo jako ra·e kamko ka·enggiparang baksa apsan nangrime kamrangko ka·enga. Iani bidingo case-ko segatan baksana tangkarangko sandina aro iano jak dongpagiparangko rim·na gita uamang name am·sandianirangko dakengkua.
Assam CID-ni Cyber Cell, chong·motgipa police ba agancy-rang maming saloba patoko donatna phone ka·e ba video call ka·e rim·ja aro tangkarangkoba watchina aganja ine gisik ra·atpiltaianiko dake jinmana mikrakataniko on·ataha. Iandake cha·boke cha·giparangni bidingo saoba maikoba u·igen ba knagenchim ong·ode, National Cyber Crime Helpline (1930) ba cybercrime.gov.in-na u·iatchina jinmao didiataniko dakataha.
Na·simang iakoba nina man·gen:
Na·simang iakoba poraina man·gen: Biker Club, Garo Hills-ni diltugipa song Tosinpara-ona re·ange nangan bosturangko suale on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
