Guwahati, Oct 21: Assam-ni Skotong Minister Himanta Biswa Sarma, git ring·anio mingsing minggamako man·gipa Zubeen sagini siani bidingo kakket bichalko ka·e on·china dabie jingjengataniko dakaniara miksongatangko guale politics-o namgniko man·asa jakkalangskaengaha ine aganangaha. “Anga da·alo CM-ni kamko wata ong·ode, 50% mangni gita jegalanirang dontongako man·gnok, aro bebe gita Gaurav Gogoi Skotong Minister ong·skaa ong·ode, pilak jingjengatanirangan bon·aignok” ine Sarma, Baksa-o jinmana aganprakani somoio janapataha.
Ia jingjengatani kamrangko ka·aniara Zubeen sagina kakket bichalko ka·e on·china dabie dakani ong·jaha inenba ua manderangko tom·tom ong·e dongchina didiataha. Zubeen-ko chong·mot namnikgiparang aro uni bimungkoo politics-na jakkalenggiparangko dingtanggrikatenba, kakket ong·e Zubeen-ko namnikgipa sakantikon tom·tomani aro doka dam·anirangchi uko mande ra·aniko dakchina didiataha.
Baksa-o adita somoirangna skang golmal ong·a jaman, bang·a chadamberangan kate chaktokaha, indiba uamang re·bapilenba police dolrangna dakchakaniko on·genchimode uamangna maming sasti-rangkon on·jawa ine ua ku·rachakanikoba dakangaha.
Zubeen-ni kam ka·bagipa biaprangoniko bolrang den·ani koborrang kakket ong·ja ineba Sarma je·galaniko dakatengon, ua bolrangko ripinge rakkigen ine Zubeen-na ku·rachakaniko on·man·aha ineba ua janapataha.
Zubeen sagini dakbaenggipa kamrangko ripinge rakkiangkuna gita sorkari uni a·bachengate donanggipa matchotkugijagipa pilak project-rangkon matchotate on·enba, Constituency ge·prakon Music School-rang aro College-rangko a·bachengate on·angan baksana Assam gimikon Zubeen Garg sagini mangkrongkoba tarie on·anggen ine Sarma aganangaha.
Iani gisepon, Zubeen sagini case-ko Fast Track Court-osa bichal ka·gen ong·ani gimin, Court-ni gita uamangna ta·raken kakket bichalko on·a ka·dongsoenga ineba ua parakataha. Indake ong·engon, Zubeen sagiko gisik ra·na ong·ode doka dam·ani, tom·tomani aro ku·cholsan ong·anichisa gisik ra·aniko dakna nanga ineba ua janapangkuaha.
Na·simang iakoba nina man·gen:
Na·simang iakoba poraina man·gen: Assam-o mande saksako pekatgipa samrang baksa rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
