Guwahati, Feb 10: Assam-ni All District Congress Committee, Guwahati-o Assam-ni Skotong Minister Himanta Biswa Sarma aro uni jikgipako tangka cha·ani aro niamgri a·a sekdraanina matnangataha. Uamang Mongolbar salo Assam, Dispur-ni Mananbendra Sarma Complex-o jegalaniko dakangaha.
Assam Pradesh Women Congress dolni President Meera Borthakur, Skotong Minister-ni jikgipa 12,000-24,000 bigha a·arang donga ine a·kangatengon, iani bidingo Income Tax Department aro Enforcement Directorate name am·sandianiko dakna nanga ineba ua dabianiko dakangkuaha. Iani gisepon, batanggimin somoio Skotong Minister, dormaha-na agre uo maming gam dongja ine agangipa kattana sing·doaniko dakatskaaha.
Gaurav Gogoi, Pakistan-china re·angani somoio ua India sorkarini dongimin pilak niamrangko ja·rikesa re·anga aro ua gipin a·song baksa maming bak dongja ineba Gogoi-na chakpaaniko on·ataha. Indake ong·engon, ua Skotong Minister-ko SIT-ni report-ni bidingo jrip donganina aro uni agangipa kattarangko dingtangataninaba matnangataha. Jegalmiting somoio, Congress dolna kam ka·giparang Skotong Minister-ni jikgipani gam jinrangko am·sandianiko dakchina kattarangko minge jegalaniko dakangaha. A·jao niam retirang aro tom·tom ong·aniko rakkina gita jegalenggipa biapona police dolrangko watataha.
Na·simang iakoba nina man·gen:
Na·simang iakoba poraina man·gen: USTM, AIU East Zone Inter University Handball Tournament-ko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
