Kohima, Naitung 12: Ka Nagaland Baptist Church Council (NBCC) ka la kyntu ïa u Myntri Rangbah ka Jylla u Neiphiu Rio ban iakren bad ka sorkar kmie ba kan weng noh ïa ka Foreign Contribution (Regulation) Amendment Bill, 2026, da kaba maham ba kane ka aiñ ka lah ban ktah jur ïa ki Balang, ki Khristan bad ki sengbhalang.
Ha ka jingpynpaw ba la aiti sha u Myntri Rangbah ka Jylla, ka NBCC ka la ong ba ki jingpynkylla ba la tyrwa kin don ka jingktah na ka bynta ki seng kiba pynshong nongrim ha ka jingngeit kiba la ïatreilang bad ka jylla ha ka pule puthi, ka koit ka khiah, peacebuilding, ka jingpynkupbor ïa ki samla bad ki kynthei, de-addiction programmes and welfare.
Da kaba mihkhmat ïa ki 21 tylli ki Baptist Church Associations, saw ngut ki dkhot ba ïatreilang, 1,626 tylli ki balang bad palat 7.48 lak ngut ki dkhot ba la pynbaptis, ka NBCC ka la ong ba ka ithuh ïa ka bor jong ka sorkar kmie ban pynbeit ïa ki jingnoh synñiang nabar ri na ka bynta ka jingmyntoi jong ka jingshngaiñ ka ri, ka jinglong khuid bad ka jingkitkhlieh.Hynrei ka la kynthoh ba ka ain ba la tyrwa ka la iaid lait ia ki kyndon kiba biang bad ka la buh ia ki jingkhang kiba palat ia ki seng ai jingiarap kiba shisha.
Ka jingkyrpad ka buh ia ka Nagaland ha ryngkat bad ka jingsngewkhia kaba nangroi na ki kynhun balang ha kylleng ka thain shatei lammihngi halor ka amendment.U Myntri Rangbah ka Jylla Meghalaya, u Conrad K. Sangma bad ki katto katne ki seng Khristan ha kane ka thaiñ ruh ki la pynpaw ïa ka jingsngew pyrshah, da kaba ong ba kane ka Bill ka lah ban pynthut ïa ka jingtreikam jong ki seng treimon sngewbha bad ki seng ba pynshong nongrim ha ka jingngeit kiba ai ïa ki jingshakri ba kongsan ha ka imlang sahlang.
Ka jingthmu ban pynkylla, kaba la wanrah ha ka Lok Sabha, ka wad ban seng ia ka bor ba la buh kyrpang kaba la ai bor ban shimti, pyniaid bad pynduh ia ki mar ki mata jong ki seng kiba la pynduh noh ia ka jingpynrung kyrteng jong ki ha ka FCRA, la aiti noh lane lym kumta kim don shuh. Ki nongkynthoh ki kynthoh ba kane ka kyndon ka ai ia ka bor synshar kaba khraw ia ka sorkar bad ka lah ban pynduh ia ka jinglong laitluid jong ki seng trei mon sngewbha.
Ka NBCC ka la kyntu ia ka sorkar ba ialam u Rio ba kan pynsngew ia ki jingeh jong ki Balang bad ki seng trei mon sngewbha jong ka Nagaland sha ka Sorkar Pdeng bad ban pynbor ban weng noh ia kane ka Bill shwa ban pynlong ain ia ka.
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
 ka la kyntu ïa u Myntri Rangbah ka Jylla u Neiphiu Rio ban iakren bad ka sorkar kmie ba kan weng noh ïa ka Foreign Contribution (Regulation) Amendment Bill, 2026, da kaba maham ba kane ka aiñ ka lah ban ktah jur ïa ki Balang, ki Khristan bad ki sengbhalang.){kind=link}