Guwahati, June 27: Assam Don Bosco University (ADBU), 2025 bilsini July 1 tarikoni July 3 tarikona uni skanggipa Assam Don Bosco University Model United Nations (ADBU-MUN 2025)-ko Guwahati-ni Azara Campus-o soka chakgen. Chadambe manderangna jakkaltobegipa changa sapanirang jekai maikai jera ra·grikanirango agana nangachim, tik ka·na sapani aro a·gilsako janggi tanganio neng·nikanirangko u·ie ra·ani bidingo skie ra·na dakchakaniko on·a miksonganio chatro chatrirang ia tom·bimonganiko “Dream. Dare. Deliver : Shaping the Future Through Courage and Resilience,” ine katta bichongko donenba ong·atna sienga. Dingtang dingtang biaprangoni chatro chatrirang iano bakko ra·angenba, dingtang dingtang a·songrang ba political party-rang dake dakjean baksana dilgipa ong·ani aro jinmani mikkango aganprakaniko ranta kana gita cholko man·anggen.
Ia conference-o mongsonggipa dol 5 committe-rang donggen. Uarangoni dolsara, United Nations General Assembly (UNGA – DISEC), Rutajeet Kamakar aro Vice Chairman Heeratha-ni dilanio, kena nanggipa dolrangni kenbegnigipa silchidarerangko ra·ani ba jakkalaniko maikai champengna gita man·gen uni gimin chanchirimaniko dakanggen. Indake dolgipinara, All India Political Parties Meet (AIPPM), Moderator Gaurav Kumar Baruah aro Deputy Moderator Lakshya Saraf-ni dilanio, GNCTD (Amendment) Act 2021 aro uni India-ni Federal System-na namgijaniko ra·baani bidingo jera ra·grikanirangko dakangskagen. Iani gisepon, United Nations Human Rights Council (UNHRC), Niaz Tanwar Islam aro Leom Lahkar, manderangko badingsrukani gimin aro gipin biapchi re·e kam ka·giparangko naljoke rakkiani gimin chanchirimaniko dakdilanggen. Women’s Reproductive Rights ba me·chikrangna on·gimin bilrangni bidingo chanchirimaniko, United Nations Commission in the Status Of Women (UNCSW), Cathreenia Nongkynrih aro Oditi Patgiri-ni dilangskagen. International Press Corps (IPC), sea jotaniko nirokgipa Aditia Bhattacharya aro jachipchang ra·gipa Sandipan Roy, ia tom·bimongani bidingo uamang jachipchang ra·an baksana koborrangko see rakkianiko dakangskagen.
Dal·dalgipa songjinmarang ba chonchongipa songrangoniba ong·china pilak biaprangoni chatro chatrirangkon ianona rimchaksoengani gimin ia ADBU-MUN-koara dingtangmanchagipa ong·ata. Ian University-ni chadambe manderangko namgipa gunrang baksa dilgipa ong·atna dakchakna skaniko mesoka. Ian committe-ni kuturio mai ong·a uasan ong·aigija, indiba ian chatro chatrirangko ka·donggipa ong·atna, ku·rangko on·a ka·donggipa aro namgipa dingtanganiko ra·bagipa ong·atna didiani ong·a. Tom·bimongani sal sepangroroengon, India-ni Salgro Salaram jolo donggipa chadamberang dilgipa ong·na aro mikkangchi nambata janggi tanganiko ra·bana dakchakaniko on·a tarisamsogiminrang ong·a ine nikna gita man·enga.
Na·simang ia video-koba nina man·gen:
Na·simang iakoba poraina man·gen: Bhutan-ni dingtang dingtang bostutangko Guwahati-o man·engaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
