Shillong, June 27: Tourism Minister Paul Lyngdoh, re·baenggipa November jani 14 aro 15 tariko, Shillong Cherry Blossom Festival 2025-ko Shillong-ni J. N. Stadium, MFA Ground aro SRGT Ground-o ong·atanggen ine parakatan baksana Meghalaya a·dok WOW Award Asia-o minggni dal·begipa award-rangko Cherry Blossom Festival 2024-na “Special Event Of the Year (Government)”-o Gold Award-ko aro Me·gong Festival-na “Festival Of the Year (Culture)”-o Gold Award-ko man·aha ineba jinmana u·iatangaha.
2024 bilsio, sorkari manianirangko ong·atna gita kror 23.5-rangko koros ka·angaha aro kror 133.42 mangni gita tangkarangko man·pilskaaha, jeon lakh 3.86 manderang bakko ra·angtokaha. Social media-o ia maniani bidingo watgipa ming 60,000 post-rang aro online-o nigiparang million 20 mang gnang. Ia man·gnirangoni, 29.1 kror-ara ticket palani, kror 33.8-ara hotel-rangoni aro kror 37.1-ara songreani, cha·a ringani aro koros ka·giparangoniko man·giparangba ong·a. Ia manianirangko ong·atanichi sak 5,500 mangna batpile dikdiksana kamrangko nakatatna dakchakaha. A·doko ia manianio bakko ra·na Maharashtra aro Odisha-oni sako bilgipa gita re·bagiparang bang·anichi uamang kror 16.8 tangkarangko man·a baksana gari para sagiparangba kror 5.38 mangni gita kamairikna cholko man·aha.
2025 bilsio ia manianiko ong·atanio, mingsinggipa a·song gipinni mingsingbegipa git ring·giparang jekai Jason Deeulo aro UK-ni mingsinggipa band The Scrip-rangko niksona gita man·gen. Ia manianiko an·saobatatna gita re·bagiparangna LED wristbands ba ching·gipa jako gananirangko on·na miksongenga. Manderangko ja·achi re·atenba, Cherry Blossom-ni an·senganiko nina cholko on·na gita Hotel Pinewood-oni Polo Ground-ona re·gipa ramarango gari re·aniko champengatgen ineba gari apchangketani bidingo ua aganchakaniko dakataha. Ia bilsio re·bagiparangna nambata an·sengani aro rotoaniko on·a miksonganio, agre mande bang·aniko komiatna salantio sak 30,000 manderangkosan napna on·aigen aro ticket-ni damrangkoba adita bariatgen ine ia Festival-ko ong·atna tarisamsoenggipa Rockski-ni Jason u·iataha.
Ia festival-o, tribal doka dam·anina gisiko nanggiparangna an·tangtangni changa sapaniko mesokna chol on·an baksana a·gilsak gimiko a·dokko mingsingatna dakchaka ine Lyngdoh aganaha. Gari apchangket ong·anichi neng·nikanirangko olgrokatna aro Cherry Blossom-ko an·sengbatatna ua jolni ramako walking zone dakatna miksonganikoba ua u·iatangaha.
Uasan ong·aigija, ua gital mangsonganirang jekai Mawsynram-o kror 35-ni Rain Museum-ko rikani baksana wachi kari matchota jaman Mawmluh-o gital tourist spot-ko a·bachengatna miksonganikoba ua u·iate on·angaha. Meghalaya a·doko tangka paisani gita tangdoaniko ra·bani mongsonggiparangoni tourism 3-gipa biapo ong·enga ine janapatengon, 2025 bilsini festival-o manderangko rama re·na didianichi aro Cherry Blossom bol pangrangko bang·bate ge·gipa jolrangna award-rangko on·anichi samtangtango donggipa ong·telaigiparangna naljokaniko on·a ian dakchakaniko on·anggen ineba ua janapangkuaha.
Forest Department, Ward’s Lake-ko on·pilan baksana tourism-ko dal·rorona dakchakaniko on·a acre 300 mang a·arangkoba pakwate on·angaha ineba ua talate on·angaha.
Na·simang ia video-koba nina man·gen:
Na·simang iakoba poraina man·gen: Assam Don Bosco University, skanggipa changna Model United Nations-ko soka chakgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
