Boko, July 2: Mongolbar salo Assam aro Meghalaya a·dok damgnini survey team-rang aro administration officerrang Assam-ni Kamrup a·jani Boko jolni Hahim-ona re·ange a·dok damgnini gisepo sima ari-ni krongrangko songna a·bachengaha.
Ia krongrangko Hahim jolni Rangthali songoni Gijang chibima joljol songna a·bachengaha. 1971 bilsio Assam aro Meghalaya dingtang bak ong·aoni dipetan sima ari jolo bang·a a·selrang ong·engachim.
Ia kajia-golmal ong·gipa biaprangko Assam aro Meghalaya-ni Skotong Minister-rang Himanta Biswa Sharma aro Conrad K Sangma-ni dilanichi sandiaha.
A·dok damgnini administrationrang, ministerrang aro gipin dilgiparangni adita agangrikanirangko dakani ja·mano, Assam aro Meghalaya a·dokni gisepo dam-chi·gni biaprangko kajia-golmal donggipa biaprang ine sandie man·aha aro skanggipa bak-on, chong·motan March 29 tarik, 2022-o biap dam-dokko-Tarabari, Gizang, Hahim, Boklapara, Khanapara-Pilangkata, aro Ratacherra-ko namedake ma·eke on·aha.
A·dok damgnini skotong ministerrang June 2 tariko tom·aniko dake kajia-golmalrangko namatgimin biaprango sima ari-ni krongrangko songe on·na tik ka·aha, aro ia bilsini Independence Day-ko manina skang ia dam-dok biaprango kamrangko matchotatgen ine parakataha.
Kamrangko ta·rake ka·e on·anina songdonggipa manderangko sorkariko mitelaha aro ia krongrangko songaniara namen gisik ra·na kraani ong·a ine aganaha.
Sima ari-ni krongrangko Hahim-ni Rangthali songoni a·bachengaha, aro uko Umshek (Mathapota), Maspara, Malapara joljol Gijang chibima aro uni ja·mano Ranighar, Salpara-o Tirchang chibima joljol, Hahim antidamni sepango Thutia antidam-o, aro uandake Athiabari songni ja·mano Tirchang chibima joljol Rangsapara-o bon·egen.
A·dok damgnini gipin survey teamr-rang Hahim-ni sepangjolo donggipa Gijang jolo biaprangko nianirangko dakgen aro sima ari-ni krongrangko songna a·bachenggen ine survey team-ni official parakataha.
Na·simang ia video-koba nina man·gen:
Na·simang iakoba poraina man·gen: Baghmara Civil Hospital-ni OT gitalo skanggipa changna surgery-o ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
