Guwahati, Nov 6: Assam-ni Chief Information Commissioner Bhaskar Jyoti Mahanta kamtangko watani chittiko Governor Lakshman Prasad Acharya-na on•ataha.
Mahanta-ni jonggipa Shyamkani Mahanta-ni kosako adita RTI ka•anirangko nike iandakgipa ja•kurangko de•anirangra Mahanta-ni kam ka•anirang baksa kraani ong•ja ine a•dokni skotong minister Himanta Biswa Sarma uko kamtangko watchina didiaha ine koborrangko man•aha.
Bhaskar Jyoti Mahanta, Assam-ni gitcham Director General of Police (DGP) ong•a aro kamoni neng•takani ja•mano uko Chief Information Commissioner-na seokaha.
Uni jonggipa Shyamkanu Mahanta-ko mingsinggipa git ring•gipa Zubeen Garg sagini September 19, 2025-o Singapore-o siani bidingo Assam Police-ni Special Investigation Team (SIT) rim•aha.
1988 bilsio (41 RR) Assam-Meghalaya-ni cadre-na IPS officer ong•e seokako man•gipa Bhaskar Jyoti Mahanta 2019-oni 2023-ona Assam Police-ni Director General ong•e dangdike on•angaha. Iana skang ua Assam-o Border aro SDRF-ni Special Director General-ni kamko ka•achim.
Uandake, 2023 bilsi August jao uko Assam-ni Chief Information Commissioner-na seokaha.
Na·simang iakoba nina man·gen:
Na·simang iakoba poraina man·gen: Tura MCH-o bakan NICU-ko kuligen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
