Tura, Nov 6: Garo Hills-o skanggipa Neonatal Intensive Care Unit (NICU)-ko Tura-ni Maternity & Child Health Hospital-o kulina gita kamrang matchotangengaha ine Budbar salo, official-rang tom•e chanchirimani ja•man parakataha.
Ia tom•aniko, Health & Family Welfare Department-ni Principal Secretary Dr Sampath Kumar dilangaha aro tom•anio, Commissioner & Secretary Dr Joram Beda, Health Services (MI)-ni Director Dr Balas Momin, Tura-ni SDO Richa Kulkarni, Tura MCH-ni Medical Superintendent Dr Bollen S Sangma aro gipin official-rangba dongpae bak ra•angaha.
Ia tom•anio Health official-rang baksa tom•e chanchirimengon, Tura MCH-ko ge 50 palang donggipa bak baksa dal•dapataha aro hospital-o Special Newborn Care Unit (SNCU)-ko kuliaha ine Dr Kumar talate on•angaha. Tura MCH-o gital kulidapgipa bakrangko, Chief Minister Conrad K Sangma-ni ge•etanichi Krismasna skangan nokdonggagen ineba ua aganaha.
An•o donggipa me•chikrangni sianiko komiatna gita Garo Hills-ni dingtang dingtang private hospital-rang baksaba dingtangmancha tom•aniko ong•atangaha aro private hospital-rango sanna bananiko ra•na watatako man•gipa me•chikrangna tangka paisa gri, somoi gita nirok sandianiko on•na Chief Minister’s Safe Motherhood Scheme (CMSMS)-ni ning•o dakchakaniko on•gen ine tik ka•angaha.
An•o donggipa bang•bata me•chikrangan an•chi komie saanirangko man•rongani gimin iandakgipa me•chikrangna, bi•sa an•pakani somoiona kingking nanga gita simsak nirokaniko on•naba ia tom•anio tik ka•e donangaha.
Simsak nirokani kamrangko namdapatna gita dingtangmancha maternal & child health specialist-ko World Bank-chi dakchakenggipa Meghalaya Health Systems Strengthening Project (MHSSP)-ni ning•o Tura MCH-o donataha.
Meghalaya a•dokni hospital-rango kamrangko nambatatna gita Outcome-Based Budgeting (OBB)-koba a•bachengataha.
Na·simang iakoba nina man·gen:
Na·simang iakoba poraina man·gen: MCTODA-ni strike ong·atengmitingo EKH admin Mawryngkneng-o jegalanirangko dakjachina hukum on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
