Guwahati, Apr 9: Bristibar salo, Assam a•dokni Chief Minister Himanta Biswa Sarma, Assembly election-na pu•onna skang, Guwahati songjinmao donggipa Kamakhya Devi mite nokona re•ange, a•dokni namroro silroroanina bi•angaha.
Kamakhya Devi mite nokona Sarma, an•tangni jikgipa Riniki Bhuyan Sharma baksa re•angaha aro ua a•dokni namroro silroroanina bi•aha ine parakataha.
Assam Assembly election-o Sarma, NDA-ni candidate ong•e Jalukbari constituency-oni susaenga aro ia constituency-on ua bilsi 25 ong•na sipile MLA ong•enga. 2001 bilsio Asom Gana Parishad (AGP)-ni dilgipa Bhrigu Kumar Phukan-ko cheaonin Sarma, Jalukbari constituency-o changsaba amako man•kuja.
Re•anggipa 2021 bilsini Assam Assembly election-oba Assam-ni Chief Minister Sarma, 1,30,762 vote-rangko man•e chegipa ong•aha.
Bristibar salo ua, Kamakhya Devi mite nokona re•angna skang, Assam a•dokko nambate rikna man•na gita a•doko songdongenggipa manderang pilakkon, an•tangtangna on•gimin bilrangko jakkale, dilgipako seokanio bak ra•echina didiataha.
Assam a•dokni dam 126 constituency-rangon Bristibar salo, manderang pu•onangaha aro pring 9:00 bajiona kingking a•dok gimiko pu•onani 17.87 percent ong•aha.
Ia chang Assam Assembly election-o gimik sak 722 candidate-rang susaenga aro dilgipako seokanio sak crore 2.5-na baten manderang bak ra•enga.
Na·simang iakoba nina man·gen:
Na·simang iakoba poraina man·gen: Assam a·dok election-na re·mikkanganio agansamsoanirang
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
