Guwahati, Feb 4: Mongolbar salo Assam-ni Dhubri a•jani Gangadhar chibimao ring bolsa chio napsrime sakgittam chatro-chatrirang gimaaha.
Sak 22 chatro-chatrirang sianggimin mande saksana mingsa dakbewal ba shradh-ko dakna chibimani chichangona re•angtokaha aro ua somoio Tamarhat jolni Belpara Char-o ia obosta ong•aha.
Koborrangko man•soani gitade, ringo gakate re•bapilmitingo atagrikni gita batbaengmitingo chibimani chi ta•rakanio ring pokpeke bikpilaha. Uno gakatgipa bang•bata manderangan chi rikamona jrobana man•genchimoba, sakgittam chatro-chatrirangkode chi ta•rakao man•pakangakaha.
Gimagipa manderangara Saha Alom, Mofida aro Sharmin ong•a aro uamang sakgittaman Tamarhat police station-ni ning•ao Shagunsara songo songdonggiparang ong•a.
Uandake State Disaster Response Force (SDRF) gong•raken gimagipa mandedangko sandina a•bachengaha. Indake ong•genchimoba, chi tu•ani, ta•rakani aro sal napani ja•man andalani a•selo neng•nikanirangko man•enga.
Koborrangko man•dapaniko da•o sengsoenga.
Na·simang iakoba nina man·gen:
Na·simang iakoba poraina man·gen: Manipur-ni gital CM-ko ku•mikchetatna tarisoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
